ადამიანური რესურსების მართვის მაგისტრი
ნინო ხუციშვილი 2018-2020 წლებში სწავლობდა აღმოსავლეთ ევროპის უნივერსიტეტში და დაასრულა ადამიანური რესურსების მართვის სამაგისტრო პროგრამა. უნივერსიტეტში სწავლის პერიოდში, მოპოვებული აქვს შიდა საუნივერსიტეტო სტიპენდია, როგორც მაღალი აკადემიური მოსწრების სტუდენტს.
ნინო ხუციშვილმა EEU-ში გაიარა შიდა საუნივერსიტეტო სტაჟირების პროგრამა და 2019 წლიდან არის აღმოსავლეთ ევროპის უნივერსიტეტის ადამიანური რესურსების მართვის დეპარტამენტის სპეციალისტი.
ნინო ხუციშვილი სწავლის პერიოდში აქტიურად იყო ჩართული საუნივერსიტეტო სტუდენტურ ცხოვრებაში, 2019 წელს მონაწილეობა მიიღო VII HR კონფერენციაში “HR გამოწვევები”, 2017 და 2018 წლებში, რამდენჯერმე აქვს მოპოვებული პირველი ადგილი სხვადასხვა სტუდენტურ სამეცნიერო კონფერენციაში. გამოქვეყნებული აქვს სამეცნიერო ნაშრომები: „პროდუქციის მოცულობის, დანახარჯების და მოგების დამოკიდებულების ანალიზი“, „გენმოდიფიცირებული პროდუქციის შეფასების კრიტერიუმები“, „ბუღალტრის პროფესიული აღიარების კრიტერიუმები, თანამედროვე ტენდენციები და საქართველო“. 2020 წელს განახორციელა კვლევა: „სახელფასო ანაზღაურების სისტემების გავლენა გაყიდვების პერსონალის მოტივაციის ზრდაზე საქართველოს სადაზღვევო სექტორის მაგალითზე“.
ნინო ხუციშვილს გავლილი აქვს ინგლისური ენის სრული კურსი (12 საფეხური) ბრიტანულ ცენტრში, ასევე სასწავლო დაწესებულებების და რეგიონალური ბიბლიოთეკების ბიბლიოთეკართა გადამზადების ზოგადი პროგრამა. ნინო ხუციშვილი დღემდე აქტიურად თანამშრომლობს უნივერსიტეტთან და ჩართულია პროფესიული განვითარების პროგრამებში.