საერთაშორისო ურთიერთობების ბაკალავრი
რუსუდან ჩერქეზიშვილი 2015-2019 წლებში სწავლობდა აღმოსავლეთ ევროპის უნივერსიტეტში და წარჩინებით დაამთავრა საერთაშორისო ურთიერთობების საბაკალავრო პროგრამა. უნივერსიტეტში სწავლის პერიოდში, გაცვლითი პროგრამით იმყოფებოდა პოლონეთში, ლოძის უნივერსიტეტში.
რუსუდან ჩერქეზიშვილი 2019 წლიდან არის აღმოსავლეთ ევროპის უნივერსიტეტში სასწავლო პროცესის ადმინისტრირებისა და სტუდენტური სერვისების განყოფილების სპეციალისტი.
რუსუდან ჩერქეზიშვილი სწავლის პერიოდში აქტიურად იყო ჩართული საუნივერსიტეტო სტუდენტურ ცხოვრებაში და მონაწილეობდა კონფერენციებში, ტრენინგებსა და პროექტებში. არის შიდა საუნივერსიტეტო სტუდენტური სამეცნიერო კონფერენციის „ევროინტეგრაციის აქტუალური საკითხები” მონაწილე. რუსუდანს მონაწილეობა აქვს მიღებული ბევრ სხვადასხვა პროექტში, რომელთა შორისაა: ,,გაეროს ახალგაზრდული მოდელირება“, სტუდენტური პროექტი ,,იდეა დეველოპერი”- idea city და ,,პროგრესული იდეების სკოლა“.
სწავლის პერიოდშივე გაიარა სტაჟირება გაზეთში „ბანკები და ფინანსები“, არასამთავრობო ორგანიზაციაში ,,საქართველოს მწვანეთა მოძრაობა“, ტრენინგები შედარებითი (კომპარატივისტული) განათლება, ,,ინფორმირებული ახალგაზრდა ამომრჩეველი“, „მიგრაცია და ადამიანით ვაჭრობა“. რუსუდან ჩერქეზიშვილი აქტიურად არის ჩართული აღმოსავლეთ ევროპის უნივერსიტეტში მიმდინარე პროფესიული განვითარების პროგრამებში.
“თამამად შემიძლია ვთქვა, რომ ჩემი სტუდენტობის საუკეთესო ოთხი წელი გავატარე ძალიან მეგობრულ და პროფესიონალ გუნდთან ერთად. მადლიერი ვარ ჩემი უნივერსიტეტის, რომ განვითარებისთვის მრავალი შესაძლებლობა მომცა, მათ შორის ყველაზე მნიშვნელოვანი საზღვარგარეთ გაცვლით პროგრამაში მონაწილეობა აღმოჩნდა. ნახევარი წელი გავატარე სრულიად უცხო გარემოში, სადაც თითოეული დეტალი სიახლე იყო ჩემთვის. გავეცანი სხვა კულტურის მქონე ადამიანების ცხოვრების წესს, მათ დამოკიდებულებებს და ხედვებს, მივიღე საერთაშორისო გამოცდილება, უდიდესი პრაქტიკა და ყველაზე სასარგებლო ცხოვრებისეული გამოცდილება.
შეკითხვაზე, თუ რა მომცა გაცვლით პროგრამაში მონაწილეობის მიღებამ, პასუხი ცალსახაა: დამოუკიდებლად ცხოვრება, საკუთარი თავის მეტად შემეცნება და ამა თუ იმ ცხოვრებისეული გამოწვევის გადალახვის შესაძლებლობა. საკუთარი გამოცდილებიდან გამომდინარე, სტუდენტებს თამამად ვურჩევ, რომ არ შეუშინდნენ სიახლეებს, მიიღონ მონაწილეობა საერთაშორისო პროექტებში და დააგროვონ მეტი პრაქტიკა, რათა შეძლონ საკუთარი ცოდნის რეალიზება.
მადლობა ჩემს უნივერსიტეტს იმისთვის, რომ მაქვს სტიმული, ვიყო იმაზე უკეთესი, ვიდრე ვარ დღეს!”