ევროპის სამართლის ფაკულტეტების ასოციაციის (ELFA) წევრი მიკოლას რომერისის სახელობის უნივერსიტეტის სამართლის სკოლა (ვილნიუსი, ლიეტუვა), კოლუმბიის უნივერსიტეტის ჰარიმანის ინსტიტუტთან (აშშ) და ევროპის ჰუმანიტარულ მეცნიერებათა უნივერსიტეტთან ერთად მიმდინარე წლის 4 თებერვალს აღმოსავლეთ ევროპის უნივერსიტეტის იურიდიულ და სოციალურ მეცნიერებათა ფაკულტეტის პერსონალსა და სტუდენტებს გიწვევთ ერთობლივ საერთაშორისო ფორუმზე დამოუკიდებლობისა და თავისუფლების შესახებ (International Forum on Freedom and Liberty). ფორუმი გაიმართება ვილნიუსში, ვირტუალურ ფორმატში.
ღონისძიების მიზანია თავისუფლების, დემოკრატიისა და კანონის უზენაესობის პრინციპების განმტკიცება ცენტრალურ და აღმოსავლეთ ევროპაში, პარტნიორობისა და ჩართულობის გაძლიერება აშშ-სა და ევროპის სახელმწიფოებს შორის ისტორიულ, სამართლებრივ და თავისუფლების საკითხებზე თანამშრომლობის გაღრმავების გზით.
საერთაშორისო ფორუმი ეძღვნება პოლონეთის-ლიეტუვას-ბელარუსის-ამერიკის გმირს ტადეუშ კოსციუშკოს დაბადების დღის 275-ე წლისთავს და შეკრებს პოლიტიკურ ლიდერებს, გავლენიან იურისტებს, თავისუფლების დამცველებს, ისტორიკოსებსა და საგარეო პოლიტიკის მიმართულებით სხვა აქტივისტებს მთელი მსოფლიოდან. კერძოდ, ღონისძიებას დაესწრება:
- პოლონეთის პრემიერ-მინისტრი ჰანა სუხოცკა;
- მართლმსაჯულების ევროპული სასამართლოს პრეზიდენტი კოენ ლენაერტსი;
- გერმანიის პარლამენტის თავდაცვის კომიტეტის თავმჯდომარის მოადგილე კარლ ლამერსი;
- აშშ-ის უსაფრთხოების ექსპერტი იან ბჟეზინსკი;
- ცენტრალური ევროპის უნივერსიტეტის რექტორი მაიკლ იგნატიეფი
- და სხვები.
ფორუმის შესახებ დეტალური ინფორმაცია და დღის წესრიგი იხილეთ ბმულზე: https://www.bridges4freedom.com
ღონისძიებაზე დასწრების მსურველები მიმდინარე წლის 3 თებერვლის 21:00 საათამდე უნდა დარეგისტრირდნენ შემდეგ ბმულზე: https://docs.google.com/forms/d/e/1FAIpQLScxHHVHssQNANC-xm7Y6hz8lB4B5Xoj9CNj-2Qo7bYwHL6DzQ/viewform