საერთაშორისო განვითარების ხელშეწყობის ფარგლებში, განვითარებადი ქვეყნებიდან უცხო ქვეყნის მოქალაქეთა ჩეხეთის უმაღლეს საგანმანათლებლო დაწესებულებებში სწავლის მხარდასაჭერად, ჩეხეთის რესპუბლიკის მთავრობა მუდმივად გვთავაზობს სასწავლო გრანტებსა და სტიპენდიებს.
ჩეხეთის განათლების, ახალგაზრდობისა და სპორტის სამინისტრო აცხადებს სასტიპენდიო კონკურსს ქართველი სტუდენტებისათვის სლავური ენების საზაფხულო სკოლაში მონაწილეობის მისაღებად. პროგრამის მიზანია ჩეხური ენის შესწავლა.
სასწავლო კურსის ფარგლებში გათვალისწინებულია სხვადასხვა კულტურული ღონისძიებები, მათ შორის ტურისტული მარშრუტები. საზაფხულო სკოლის განმავლობაში, მონაწილეები გაატარებენ 4 კვირას ჩეხეთის რესპუბლიკაში (ივლისი-სექტემბრის ფარგლებში).
აპლიკანტებმა ჩეხეთის რესპუბლიკის საელჩოს მატერიალური სახით უნდა წარუდგინონ შემდეგი დოკუმენტები:
1) განაცხადის ფორმა (იხ.: https://www.msmt.cz/eu-and-international-affairs/summer-schools-of-slavonic-studies?lang=2 );
2) რეზიუმე ჩეხურ ან ინგლისურ ენებზე;
3) პირადობის მოწმობის / პასპორტის ასლი.
სასტიპენდიო კონკურსში მონაწილეობის მისაღებად დამატებითი ინფორმაცია შეგიძლიათ იხილოთ ჩეხეთის განათლების, ახალგაზრდობისა და სპორტის სამინისტროს ვებ-გვერდზე https://www.msmt.cz/eu-and-international-affairs/summer-schools-of-slavonic-studies?lang=2