აღმოსავლეთ ევროპის უნივერსიტეტის, საქართველოს უნივერსიტეტის, ივანე ჯავახიშვილის სახელობის თბილისის სახელმწიფო უნივერსიტეტის, დავით ბატონიშვილის სამართლის ინსტიტუტისა და კავკასიის უნივერსიტეტის ორგანიზებით აღმოსავლეთ ევროპის უნივერსიტეტის საკონფერენციო დარბაზში გაიმართა სტუდენტური სამეცნიერო კონფერენცია: ”სამართალი და კანონის უზენაესობა”.
კონფერენცია საქართველოს განათლებისა და მეცნიერების სამინისტროს მიერ ინიცირებულ ,,მეცნიერებისა და ინოვაციების საერთაშორისო ფესტივალი 2017’’-ის ფარგლებში ჩატარდა.
ღონისძიება აღმოსავლეთ ევროპის უნივერსიტეტის რექტორმა დავით ჩერქეზიშვილმა გახსნა. კონფერენციის მონაწილეებს ამავე უნივერსიტეტის ვიცე-რექტორი სამეცნიერო დარგში შალვა მაჭავარიანი მიესალმა.
სტუდენტურ კონფერენციაში მონაწილეობა ორგანიზატორი უნივერსიტეტების სამაგისტრო და სადოქტორო პროგრამების სტუდენტებმა მიიღეს
კონფერენციის ბოლოს გაიმართა დისკუსია, მონაწილეებს კი კონფერენციაში წარმატებით მონაწილეობისათვის გადაეცათ სერტიფიკატები.