ტრენინგების ციკლი: ,,მრავალფუნქციური ანატომიური ინტერაქციული მაგიდის გამოყენების ტექნიკები’’

ტრენინგების ციკლი მრავალფუნქციური ანატომიური ინტერაქციული მაგიდის გამოყენების შესახებ გრძელდება. 9 ნოემბერს, 17:00 საათზე, აღმოსავლეთ ევროპის უნივერსიტეტის ანატომიის კაბინეტში (109), ჯანდაცვის მეცნიერებათა ფაკულტეტის ახალი აკადემიური და მოწვეული პერსონალისთვის გაიმართება ტრენინგი ,,მრავალფუნქციური ანატომიური ინტერაქციული მაგიდის გამოყენების ტექნიკები’’.

ტრენინგის მიზანს წარმოადგენს შესაბამისი სასწავლო კურსების ფარგლებში ,,ინტერაქციული ანატომიური მაგიდის“ სასწავლო პროცესში დანერგვა.

,,ინტერაქციული ანატომიური მაგიდა“  საშუალებას იძლევა ადამიანის სხეულის რეალურ ზომებში, 3D ფორმატით მოხდეს ორგანიზმის 11 სისტემის სწავლება და ამავე დროს უწყვეტი შიდა-ინტერნეტით დაუკავშირდეს აუდიტორიებში არსებულ სენსორულ დაფებს და ერთდროულად ჩატარდეს აუდიტორიებში ლექციები სხვადასხვა მიმართულებით.

ტრენინგის ფარგლებში განსახილველი საკითხები:

• ანატომიური მაგიდის ფუნქციონალი, მისი ათვისება და პრაქტიკაში გამოყენება;
• სასწავლო პროცესში ინტეგრაციის შესაძლებლობები, გამოწვევები და სპეციფიკა.

ტრენერი: ელენე ზურაბიშვილი – ასისტენტ-პროფესორი, ჯანდაცვის მეცნიერებათა ფაკულტეტის დეკანის მოადგილე (EEU) https://eeu.edu.ge/portfolio/elenezurabishvili/

ტრენინგის ციკლის ფარგლებში ანატომიური ინტერაქციული მაგიდის მწარმოებელი კომპანიის (ტაივანი, Taiwan Main Orthopaedic Biotechnology Co., Ltd) მიერ ჩატარდა ტრენინგები უნივერსიტეტის ტრენერთა გადამზადების მიზნით.

ტრენინგი განხორციელდება სამ ეტაპად:

1) ანატომიური მაგიდის ფუნქციონალის გაცნობა – software/hardware, მისი მოვლის სპეციფიკა და სასწავლო პროცესში ინტეგრაცია;

2) ანატომიური ინტერაქციული მაგიდის ანატომიის სექციის ათვისება და პრაქტიკაში გამოყენება,

3) ანატომიური ინტერაქციული მაგიდის ჰისტოლოგია/პათოლოგიისა და რადიოლოგიის სექციების ათვისება და პრაქტიკაში გამოყენება.