აღმოსავლეთ ევროპის უნივერსიტეტსა და შჩეჩინის უნივერსიტეტს (პოლონეთი) შორის თანამშრომლობის მემორანდუმი გაფორმდა. მემორანდუმს ხელი აღმოსავლეთ ევროპის უნივერსიტეტის რექტორმა, დავით ჩერქეზიშვილმა და შჩეჩინის უნივერსიტეტის რექტორმა, ვალდემარ ტარჩინსკიმ მოაწერეს.
მემორანდუმი ითვალისწინებს სამეცნიერო კვლევებისა და განათლების მიმართულებით უნივერსიტეტებს შორის თანამშრომლობის გაძლიერებას. მემორანდუმის ფარგლებში, მხარეები ერთმანეთს გაუზიარებენ ცოდნასა და გამოცდილებას, სტუდენტებისა და აკადემიური პერსონალს შესაძლებლობა ექნებათ მონაწილეობა მიიღონ გაცვლით პროგრამებში, ასევე ერთობლივ კვლევით საქმიანობაში, რაც მათ საშუალებას მისცემს აიმაღლონ კვალიფიკაცია. დაიგეგმა ერთობლივი პროექტების განხორციელება, საუკეთესო პრაქტიკის გაზიარება სასწავლო თემატიკისა სამეცნიერო კვლევების მიმართულებით.
შჩეჩინის უნივერსიტეტი ერთ-ერთი უდიდესი უნივერსიტეტია პოლონეთში. 9 ფაკულტეტზე 33 000-ზე მეტი სტუდენტი სწავლობს. უნივერსიტეტის კარი ღიაა საერთაშორისო სტუდენტებისთვისაც, სადაც მათ ინგლისურ ენაზე მრავალი საინტერესო კურსის არჩევა შეუძლიათ.
დამატებითი ინფორმაციისათვის იხილეთ ბმული: http://dsm.usz.edu.pl/en/home-page/