აღმოსავლეთ ევროპის უნივერსიტეტში ფრესენიუსის უნივერსიტეტის (Hochschule Fresenius) ,,ციფრული მენეჯმენტის” საქართველოში პირველი სამაგისტრო პროგრამაა და კურსდამთავრებულები მიიღებენ ორმაგ დიპლომს – ქართულს და გერმანულს. ციფრული მენეჯმენტის ინგლისურენოვანი ინტერდისციპლინური პროგრამის კურსდამთავრებულები დასაქმდებიან გერმანიაში, სხვადასხვა საერთაშორისო კომპანიებში. დასაქმების სფეროებია: ინვესტიციების მენეჯმენტი, ბიზნესის განვითარება, სტრატეგიული განვითარება, ცვლილებათა მენეჯმენტი, მედიისა და კომუნიკაციების მენეჯმენტი, მარკეტინგი, კონსალტინგი, სტარტაპი და ა.შ.
პროგრამის შესახებ:
ბიზნესისა და ინჟინერიის ფაკულტეტის დეკანი: პროფესორი ავთანდილ გაგნიძე
პროგრამის ხელმძღვანელი: პროფესორი რიჩარდ გეიბელი (ფრესენიუსის უნივერსიტეტი, კიოლნი, გერმანია)
პროგრამის თანახელმძღვანელი: პროფესორი შალვა მაჭავარიანი (აღმოსავლეთ ევროპის უნივერსიტეტი, თბილისი, საქართველო)
პროგრამის ხანგრძლივობა: 2 წელი, 120 ECTS
სწავლების ენა: ინგლისური
სწავლის საფასური: 3500 დოლარი (ერთი წელი)
პროგრამის უპირატესობები:
- ციფრული მენეჯმენტი – პირველი სამაგისტრო პროგრამა საქართველოში;
- ქართველი და გერმანელი ლექტორები, ცნობილი მეცნიერები და პრაქტიკოსი სპეციალისტები;
- პრაქტიკისა და თეორიის ერთიანობის პრინციპით შექმნილი თანამედროვე პროგრამა, რეალური ცოდნა როგორც ტრადიციული მენეჯმენტის მიდგომებზე, ისე ციფრული მენეჯმენტის ახალ მეთოდებზე, ორგანიზაციებში ციფრული ცვლილებების შესახებ; ასევე, ციფრული ტრანსფორმაციის პრაქტიკული გამოწვევებისა და შესაძლებლობების იდენტიფიცირება და შესაბამისი გადაწყვეტილებების შემუშავება
- EEU–სა და ფრესენიუსის უნივერსიტეტის (Hochschule Fresenius) ქართული და გერმანული დიპლომები;
- ერთი სემესტრი სწავლა ფრესენიუსის უნივერსიტეტში (კიოლნი) და დასაქმება როგორც გერმანულ, ასევე საქარრთველოში აკრედიტებულ გერმანულ კომპანიებში;
- სტუდენტის პროფესიული განვითარებისათვის სეზონური სკოლები, სემინარები და სპეციალური კურსები საუნვერსიტეტო დაფინანსებით;
პროგრამაზე მიღების წინაპირობა:
- სამაგისტრო პროგრამებზე ჩაირიცხებიან ბაკალავრის ან მასთან გათანაბრებული აკადემიური ხარისხის მქონე კანდიდატები საუნივერსიტეტო გამოცდების საფუძველზე;
- საუნივერსიტეტო გამოცდები მოიცავს ტესტირებას ინგლისურ ენასა (ინგლისური ენა B2 ტესტის ნიმუში და პასუხები იხ. ბმულზე) და გასაუბრებას;
- უცხო ენის ტესტირებისგან თავისუფლდება მაგისტრანტობის კანდიდატი, რომელიც წარმოადგენს ინგლისური ენის B2 დონეზე ცოდნის დამადასტურებელ სერტიფიკატს;
ვაკანტური ადგილები და მნიშვნელოვანი თარიღები:
ვაკანტური ადგილების რაოდენობა – 25;
დოკუმენტაციის მიღების, გამოცდების ჩატარებისა და ხელშეკრულების გაფორმების ვადები:
- დოკუმენტაციის მიღება- 9 სექტემბრიდან-17 სექტემბერის
- გამოცდა უცხო ენაში – 18 სექტემბერი;
- უცხო ენის შედეგების გამოცხადება – 19 სექტემბერი;
- უცხო ენის აპელაციაზე განაცხადების მიღება – 20 – 21 სექტემბერი;
- აპელაციის შედეგები – 23 სექტემბერი;
- გამოცდა სპეციალობაში (გასაუბრება) – 24 სექტემბერი;
- სპეციალობის შედეგების გამოცხადება – 25 სექტემბერი;
- საბოლოო შედეგების გამოცხადება – 26 სექტემბერი;
- ხელშეკრულებების გაფორმება – 26-28 სექტემბერი.
მაგისტრატურაში სწავლის გაგრძელების მსურველმა 9 სექტემბრიდან 17 სექტემბრის ჩათვლით უნდა წარმოადგინოს შემდეგი დოკუმენტაცია (სათანადო წესით დამოწმებული):
- განცხადება;
- უმაღლესი განათლების დამადასტურებელი დოკუმენტის ასლი (დამოწმებული)/ცნობა აკადემიური ხარისხის მინიჭების შესახებ (დედანი);
- პირადობის დამადასტურებელი მოწმობის ასლი;
- სამხედრო აღრიცხვაზე ყოფნის დამადასტურებელი დოკუმენტის ნოტარიულად დამოწმებული ასლი;
- უცხო ქვეყანაში მიღებული განათლების აღიარების დამადასტურებელი დოკუმენტის ნოტარიულად დამოწმებული ასლი (ასეთის არსებობის შემთხვევაში).
- ფოტოსურათი (3X4) – ბეჭდური 2 ც. და ელ-ვერსია CD-ზე;
- ინგლისური ენის ცოდნის დამადასტურებელი (B2) სერტიფიკატი (ასეთის არსებობის შემთხვევაში);
შენიშვნა: მაგისტრანტობის კანდიდატს შეუძლია გაიაროს ელექტრონული რეგისტრაცია და საჭირო დოკუმენტაცია გამოგზავნოს ელ–ფოსტაზე: maregistration@eeu.edu.ge
საკონტაქტო ინფორმაცია:
მისამართი: ქ. თბილისი, შატილის ქ. N4, ოთახი 19. (ორშაბათი – პარასკევი: 10:00 სთ-დან 19:00 სთ-მდე, შაბათი: 12:00 სთ-დან – 16:00 სთ-მდე).
ტელეფონი: +995 32 248 01 41, (+995) 591 936 777, ელ–ფოსტა: info@eeu.edu.ge