2022 წლის 14 მაისს აღმოსავლეთ ევროპის უნივერსიტეტში სკოლის მოსწავლეებისთვის გაიმართა EEU-ს ასოცირებული პროფესორის, საერთაშორისო ურთიერთობების პროგრამის ხელმძღვანელის, გიზო ჭელიძის საჯარო ლექცია: ’’საერთაშორისო ურთიერთობები და დიპლომატია”
საჯარო ლექციაზე განხილული იყო საერთაშორისო ურთიერთობების თანამედროვე აქტუალური საკითხები და გამოწვევები. გიზო ჭელიძემ ისაუბრა დიპლომატიაზე, როგორც კონფლიქტის თავიდან აცილებისა და კომფლიქტების მოგვარების საშუალებაზე. საჯარო ლექცია მოიცავდა პრაქტიკული მაგალითების, ქეისების განხილვასა და ინტერაქტიულ აქტივობებს, რამაც მოსწავლეების დიდი დაინტერესება გამოიწვია და გაიმართა საინტერესო დისკუსიები.
ღონისძიების მეორე ეტაპზე სკოლის მოსწავლეებმა მიიღეს დეტალური ინფორმაცია აღმოსავლეთ ევროპის უნივერსიტეტის საერთაშორისო თანამშრომლობისა და გაცვლითი პროგრამების, საუნივერსიტეტო სტიპენდიებისა და სწავლის დაფინანსების მრავალფეროვანი პირობების, სტუდენტური მხარდამჭერი სერვისებისა და უპირატესობების თაობაზე. ღონისძიების დასასრულს მოსწავლეებმა დაათვალიერეს აღმოსავლეთ ევროპის უნივერსიტეტის თანამედროვე ინფრასტრუქტურით აღჭურვილი ახალი კამპუსი.
EEU-ში გრძელდება მე-10, მე-11 და მე-12 კლასების სკოლის მოსწავლეებისთვის საინტერესო, ინტელექტუალურ-შემეცნებითი და გასართობი აქტივობების ციკლი, რომელიც აღმოსავლეთ ევროპის უნივერსიტეტის მიერ KINGS-თან პარტნიორობით ხორციელდება.
ღია კარის დღეების განრიგი იხილეთ ბმულზე: https://forms.gle/2FqFQjusHunJpz7R9
