სტუდენტთა საყურადღებოდ! შსს-ს აკადემიის სამაგისტრო სკოლა აცხადებს კონკურსს თემაზე: “საზოგადოებაზე ორიენტირებული პოლიცია” კონკურსში მონაწილეობის უფლება აქვთ სამართლის ფაკულტეტის ბაკალავრიატის საფეხურის სტუდენტებს და კურსდამთავრებულებს, რომლებიც არ სწავლობენ მაგისტრატურაზე. საკონკურსო თემის წარდგენის ბოლო ვადაა 1 ივნისი. საუკეთესო ნაშრომებიდან 10 საუკეთესო თემის პრეზენტაცია/კონკურსი გაიმართება 7 ივნისს 11სთ-ზე შსს აკადემიაში (თბილისი, გმირ კურსანტთა ქ.#1). 3 საუკეთსო ნაშრომის ავტორი დაჯილდოვდება ნოუთბუქებით, მე-4 და მე-5 ადგილის მფლობელები დაჯილდოვდებიან პლანშეტებით, დანარჩენი 5 კონკურსანტი კი მიიღებს საქართველოს ისტორიის ოთხტომეულს. კონკურსის დასკვნით ეტაპზე მონაწილე ათივე კონკურსანტზე გაიცემა სერთიფიკატი. საკონკურსო თემა უნდა გააგზავნოთ ელექტრონული ფორმით მისამართზე: marsagashvili@mia.gov.ge მსურველმა უნდა შეავსოს კონკურსში მონაწილეობის მსურველთა ფორმულარი (იხ. www.policeacademy.ge ) და დაურთოს ნაშრომი ელექტრონული ფორმით. საკონკურსო ნაშრომის მოთხოვნები: 1. სტატია უნდა შედგებოდეს შესავალი, ძირითადი და დასკვნითი ნაწილისგან. 2. სტატიაუნდა იყოს აკრეფილი შრიფტით Sylfaen. სტატიის ძირითადი ტექსტის ზომა-12, სქოლიოები-10, ხაზებს შორის დაშორება-1.5. 3. გვერდების რაოდენობა 5-10. 4. სქოლიოები განთავსებული უნდა იყოს თითოეული გვერდის ბოლოს. 5. წყაროები უნდა იყოს ციტირებული შემდეგნაირად: ა) წიგნი: ავტორის სახელის ინიციალი და გვარი, ნაშრომის დასახელება, გამოცემის ადგილი, გამოცემის წელი, მითითებული გვერდი ბ) საჟურნალო სტატია: ავტორის სახელის ინიციალი და გვარი, სტატიის დასახელება იტალიკით, ჟურნალის დასახელება, გამოცემის ნომერი, გამოცემის წელი, მითითებული გვერდი. წიგნზე, ჟურნალსა და სტატიაზე მითითება ხდება დედანის ენაზე. უცხოენოვანი წიგნის დასახელება არ ითარგმნება ქართულ ენაზე. დამატებითი ინფორმაციისათვის დარეკეთ: 241 40 41 გისურვებთ წარმატებას!
