აკადემიური თანამდებობების კონკურსი ეკონომიკისა და ბიზნესის ფაკულტეტზე

„აღმოსავლეთ ევროპის  სასწავლო უნივერსიტეტი“ აცხადებს კონკურსს ეკონომიკისა და ბიზნესის  ფაკულტეტზე სრული, ასოცირებული და  ასისტენტ პროფესორების ვაკანტური  აკადემიური თანამდებობების დასაკავებლად

 

ვაკანტური ადგილების რაოდენობა:

ა) სრული პროფესორი – 1 ვაკანსია

ბ) ასოცირებული პროფესორი – 2 ვაკანსია 

გ) ასისტენტ–პროფესორი – 8 ვაკანასია 

 

საკვალიფიკაციო მოთხოვნები:

სრული პროფესორის აკადემიური თანამდებობის დასაკავებლად:

ა) დოქტორის ან მასთან გათანაბრებული აკადემიური ხარისხი;

ბ) არანაკლებ   6  (ექვსი)   წლის სამეცნიერო-პედაგოგიური მუშაობის გამოცდილება.

 

ასოცირებული პროფესორის აკადემიური თანამდებობის დასაკავებლად: 

ა) დოქტორის ან მასთან გათანაბრებული აკადემიური ხარისხი;

ბ) არანაკლებ   3  (სამი)   წლის სამეცნიერო-პედაგოგიური მუშაობის გამოცდილება.

შენიშვნა: სრულ ან ასოცირებულ პროფესორად შეიძლება არჩეული იქნეს პირი, რომელსაც არ აქვს დოქტორის აკადემიური ხარისხი ან/და სამეცნიერო-პედაგოგიური გამოცდილება, მაგრამ „უმაღლესი განათლების შესახებ“ საქართველოს კანონის 35–ე მუხლის მე–4 პუნქტის თანახმად, მისი კვალიფიკაცია შეიძლება დასტურდებოდეს პროფესიული გამოცდილებით, სპეციალური მომზადებით ან/და პუბლიკაციებით. შესაბამისი კვალიფიკაციის მქონედ ითვლება პირი, რომელსაც აქვს პროგრამით გათვალისწინებული სწავლის შედეგების გამომუშავებისათვის აუცილებელი კომპეტენცია.

 

ასისტენტ–პროფესორის აკადემიური თანამდებობის დასაკავებლად:

ა) დოქტორის ან მასთან გათანაბრებული აკადემიური ხარისხი, ან დოქტორანტურაში სწავლა.

შენიშვნა: ასისტენტ-პროფესორად შეიძლება არჩეულ იქნეს პირი, რომელსაც არ აქვს დოქტორის აკადემიური ხარისხი, ან არ არის დოქტორანტი, მაგრამ „უმაღლესი განათლების შესახებ“ საქართველოს კანონის 35–ე მუხლის მე–4 პუნქტის თანახმად, მისი კვალიფიკაცია შეიძლება დასტურდებოდეს პროფესიული გამოცდილებით, სპეციალური მომზადებით ან/და პუბლიკაციებით. შესაბამისი კვალიფიკაციის მქონედ ითვლება პირი, რომელსაც აქვს პროგრამით გათვალისწინებული სწავლის შედეგების გამომუშავებისათვის აუცილებელი კომპეტენცია.

 

საკონკურსოდ წარმოსადგენი დოკუმენტაცია

სრული/ასოცირებული პროფესორის თანამდებობაზე ასარჩევი  კანდიდატი ვალდებულია წარმოადგინოს: 

ა) განცხადება საკონკურსო კომისიის სახელზე;

ბ) პირადობის მოწმობის ასლი;

გ) ავტობიოგრაფია (CV);

დ) შესაბამისი აკადემიური ხარისხის დამადასტურებელი დოკუმენტის (დოკუმენტების) ასლი;

ე) სამეცნიერო-პედაგოგიური  გამოცდილების დამადასტურებელი დოკუმენტი;

ვ) აკადემიური ხარისხის ან/და პედაგოგიური გამოცდილების არქონის შემთხვევაში, შესაბამისი კვალიფიკაციის დამადასტურებელი დოკუმენტი

ზ)  სალექციო კურსის სილაბუსი.

თ) კანდიდატმა სასურველია წარმოადგინოს  ბოლო 5 წლის განმავლობაში შესრულებული ერთი სამეცნიერო ნაშრომი, რომელიც ყველაზე უკეთ წარმოაჩენს კონკურსანტის კვლევით პოტენციალს.

 

ასისტენტ–პროფესორის თანამდებობაზე ასარჩევი კანდიდატი ვალდებულია წარმოადგინოს:

ა) განცხადება საკონკურსო კომისიის სახელზე;

ბ) პირადობის მოწმობის ასლი;

გ) ავტობიოგრაფია (CV);

დ) შესაბამისი აკადემიური ხარისხის დამადასტურებელი დოკუმენტის (დოკუმენტების) ასლი ან დოქტორანტურაში სწავლის დამადასტურებელი დოკუმენტის ასლი;

ე) აკადემიური ხარისხის ან დოქტორანტურაში სწავლის დამადასტურებელი დოკუმენტის არქონის შემთხვევაში, შესაბამისი კვალიფიკაციის დამადასტურებელი დოკუმენტი;

ვ) სალექციო კურსის სილაბუსი, ასეთის არსებობის შემთხვევაში.

კონკურსი ცხადდება 2013 წლის 11 აპრილიდან. საბუთების მიღება იწარმოებს 2013 წლის 13 მაისიდან 16 მაისის ჩათვლით უნივერსიტეტის კანცელარიაში.

კონტაქტი:

თბილისი, შატილის ქ. #4

ტელ: (032) 214 80 57; 577 244599;