აღმოსავლეთ ევროპის სასწავლო უნივერსიტეტის ფინანსების საბაკალავრო პროგრამას საქართველოს განათლების ხარისხის ეროვნული ცენტრის საგანმანათლებლო პროგრამების აკრედიტაციის საბჭოს ერთსულოვანი გადაწყვეტილებით მიენიჭა პროგრამული აკრედიტაცია.
ფინანსების საბაკალავრო პროგრამის მოკლე აღწერა
მისანიჭებელი აკადემიური კვალიფიკაცია: ბიზნესის ადმინისტრირების ბაკალავრი ფინანსებში
პროგრამის მიზნები:
ფინანსების საბაკალავრო პროგრამა მიზნად ისახავს ისეთი სპეციალისტების მომზადებას, რომელთაც ექნებათ ფართო ცოდნა საფინანსო, საბანკო, საგადასახადო და სადაზღვევო საქმიანობასთან დაკავშირებულ მაპროფილებელ სასწავლო კურსებში.
პროგრამის მიზანია კურსდამთავრებულს შესძინოს როგორც დარგის ფართო ცოდნა, ასევე პრაქტიკული უნარები და ზოგადი კომპეტენციები, რაც ხელს შეუწყობს მის დასაქმებას როგორც სახელმწიფო, ასევე კერძო სექტორში.
პროგრამის მოცულობა კრედიტებით და სტრუქტურა:
პროგრამა ითვალისწინებს სტუდენტის მიერ არანაკლებ 240 კრედიტის მოგროვებას. სრული პროგრამული კურსი გათვლილია ოთხ აკადემიურ წელზე (საშუალოდ 30 კრედიტი სემესტრში).
- საუნივერსიტეტო ზოგადი განათლების სავალდებულო სასწავლო კურსები – 48 კრედიტი
ზოგადი (ტრანსფერული) უნარების განმავითარებელ სავალდებულო სასწავლო კურსები, რომლებიც განიხილება, როგორც ძირითადი სპეციალობისათვის სავალდებულო არაბიზნესის მიმართულების მოდული. ეს კრედიტები სავალდებულოა.
- საუნივერსიტეტო ზოგადი განათლების არჩევითი სასწავლო კურსები – 12 კრედიტი
ზოგადი (ტრანსფერული) უნარების განმავითარებელი არჩევითი სასწავლო კურსები, რომლებიც განიხილება, როგორც ძირითადი სპეციალობისათვის სავალდებულო არაბიზნესის მიმართულების მოდულის დამატება. ეს კრედიტები სტუდენტებს შეუძლიათ აირჩიონ სხვადასხვა სემესტრში შემოთავაზებული არჩევითი კურსებიდან.
- ძირითადი სპეციალობის სავალდებულო სასწავლო კურსები – 120 კრედიტი
ძირითადი სპეციალობის დაუფლებისათვის აუცილებელ წინაპირობისა და უშუალოდ ძირითადი სპეციალობის სავალდებულო სასწავლო კურსები. ეს მოდული აერთიანებს იმ სავალდებულო სასწავლო კურსებს, რომელთა ათვისება აუცილებელია ძირითადი სპეციალობის საფუძვლიანად დაუფლებისათვის. ამ მოდულის კრედიტები თანმიმდევრობა ფიქსირებულია. გამონაკლისს წარმოადგენს პროფესიული პრაქტიკის 6 კრედიტი, რომლის შესრულება სტუდენტს შეუძლია 7-ე ან 8-ე სემესტრში.
- ძირითადი სპეციალობის არჩევითი სასწავლო კურსები – 36 კრედიტი
ძირითადი სპეციალობის ცოდნის გასაღრმავებელი სასწავლო კურსები. შესაბამის სემესტრებში სტუდენტს შეუძლია აირჩიოს სასწავლო კურსები შემოთავაზებული კურსების ჩამონათვლიდან. არჩევითი სასწავლო კურსები სხვადასხვა სემესტრში არის შეთავაზებული და სტუდენტს თვითონ შეუძლია დაგეგმოს მათი თანმიმდევრობა.
- თავისუფალი სასწავლო კურსები – 24 კრედიტი
სტუდენტს შესაძლებლობა აქვს შექმნას თავისი ინდივიდუალური პროფილი და ეს კრედიტები გამოიყენოს ფინანსების საბაკალავრო პროგრამის და/ან უნივერსიტეტის მაშტაბით სხვა საბაკალავრო პროგრამის სასწავლო კურსების/მოდულების შესასწავლად.