მიმდინარე წლის 23 ივნისს აღმოსავლეთ ევროპის სასწავლო უნივერსიტეტსა და აკად. ნ. ყიფშიძის სახელობის ცენტრალურ საუნივერსიტეტო კლინიკას (რესპუბლიკური საავადმყოფო) შორის გაფორმდა ურთიერთთანამშრომლობის მემორანდუმი, რომლის საფუძველზეც საყოველთაო ჯანდაცვის პროგრამის ფარგლებში უნივერსიტეტის სტუდენტები მიიღებენ უფასო სამედიცინო მომსახურებას თბილისის რესპუბლიკურ საავადმყოფოში. მემორანდუმს ხელი მოაწერეს აღმოსავლეთ ევროპის სასწავლო უნივერსიტეტის რექტორმა დავით ჩერქეზიშვილმა და აკად. ნ. ყიფშიძის სახელობის ცენტრალური საუნივერსიტეტო კლინიკის გენერალურმა დირექტორმა ავთანდილ იმედაძემ.
მემორანდუმის საფუძველზე თითოეულ სტუდენტს შესაძლებლობა ექნება ისარგებლოს რესპუბლიკური საავადმყოფოს უმაღლესი ხარისხის სამედიცინო მომსახურებით, მიიღოს კვალიფიციური ექიმების კონსულტაცია,უფასოდ ჩაიტაროს ამბულატორიული და სტაციონარული მკურნალობა და დიაგნოსტიკური კვლევები თანამედროვე სამედიცინო აპარატურის გამოყენებით. თითოეული სტუდენტის მომსახურების პაკეტის ოდენობა საყოველთაო დაზღვევის პროგრამის გათვალისწინებით შეადგენს 15000 ლარს. გარდა ამისა, EEU-ს სტუდენტები ისარგებლებენ სხვადასხვა სახის შეღავათებით.
მომავალი სასწავლო წლის დასაწყისიდან სურვილის შემთხვევაში სტუდენტების ოჯახის წევრებს საშუალება ექნებათ ისარგებლონ მემორანდუმით გათვალისწინებული მომსახურებით .
მსგავსი თანამშრომლობა და მემორანდუმი უპრეცედენტოა საქართველოს საგანმანათლებლო სივრცეში.
EEU პარტნიორებთან ერთად ზრუნავს თითოეული სტუდენტის ჯანმრთელობაზე.
შეხვედრაზე გაიმართა დაზღვევის პაკეტის პრეზენტაცია სტუდენტებისთვის:
მწვავე სტაციონალური მკურნალობა ანაზღაურებდა 80%,
კრიტიკული გადაუდებელი მკურნალობა ანაზღაურდება100%,
გეგმიური ამბულატორიულ მომსახურება ანაზღურდება 100% და მოიცავს:
1. ოჯახის ან უბნის ექიმის მომსახყრება
2. ოჯახის ან უბნის ექიმის დანიშნულებით კონსულტაციები:
• ენდოკრინილოგი
• ოფთალმოლოგი
• კარდიოლოგი
• ნერვოლოგი
• გინეკოლოგი
• ოტორინოლარინგოლოგი
• უროლოგი
3. კვლევები:
• სისხლის საერთო ანალიზი
• შარდის საერთო ანალიზი
• გლუკოზა პერიფ. სისხლში
• კრეატინინი
• ქოლესტერინი სისხლში
• შრატში ლიპიდების განსაზღვრა
• პროთრომბინის დრო
• ეკგ
4. ინსტრუმენტული კვლევები:
• ღვიძლის ფუნქციური სინჯები – ALT, AST
• ფარისებრი ჯირკვლის ფუნქციური სინჯი- TSH
• მუცლის ღრუს ექოსკოპია
• გულმკერდის რენტგენოსკოპია/რენტგენოგრაფია
გარდა ამისა, რესპუბლიკური საავადმყოფო EEU-ს სტუდენტებს სთავაზობს 30%–50% ფასდაკლებას ისეთ სამედიცინო მომსახურებაზე, რომელსაც არ ითვალისწინებს სადაზღვევო პაკეტი. მაგალითად MRI, კომპიუტერული ტომოგრაფია, სცინტიგრაფია და სხვა.