2014 წლის 7 აპრილს, აღმოსავლეთ ევროპის სასწავლო უნივერსიტეტისა და საქართველოს სპორტისა და ახალგაზრდობის საქმეთა სამინისტროს მხარდაჭერით ორგანიზებული ტურნირის – თბილისის სკოლებს შორის საფეხბურთო ჩემპიონატის 1/2 ფინალური და ფინალური მატჩები გაიმართა (EEU Cup ’14). პირველ ნახევარფინალურ მატჩში ერთმანეთს დაუპირისპირდნენ 130-ე და 207-ე სკოლის გუნდები, რომელშიც გამარაჯვება 130-ე სკოლამ მოიპოვა 2 ბურთის უპირატესობით.
მეორე ნახევარფინალურ მატჩში კი ერთმანეთს 186-ე და 112-ე სკოლის გუნდები შეხვდნენ, სადაც ამ უკანასკნელმა მინიმალური სხვაობით აჯობა მოწინააღმდეგეს.
მე-3 ადგილისთვის ბრძოლა 186-ე და 207-ე სკოლებს შორის შედგა. თამაშის ძირითადი დრო ფრე 2:2 დასრულდა და 207-ე სკოლამ მოწინააღმდეგე პენალტების სერიაში დაამარცხა.
ფინალურ მატჩში ერთმანეთს 130-ე და 112-ე სკოლის გუნდები დაუპირისპირდნენ, რომელშიც გამარჯვება 130-ე სკოლამ 5 ბურთის სხვაობით მოიპოვა და თამაში ანგარიშით 8:3 დაასრულა.
ტურნირის ბომბარდირი გახდა გამარჯვებული გუნდის მოთამაშე ლუკა ბლიაძე, რომელმაც ტურნირის განმავლობაში 12 გოლი გაიფორმა.
საბოლოოდ საპრიზო ადგილები შემდეგნაირად გადანაწილდა:
I ადგილი – 130-ე სკოლა (300 ლარი)
II ადგილი – 112-ე სკოლა (200 ლარი)
III ადგილი – 207-ე სკოლა (100 ლარი)
გამარჯვებული გუნდები დააჯილდოვეს აღმოსავლეთ ევროპის სასწავლო უნივერსიტეტისა და სპორტისა და ახალგაზრდობის საქმეთა სამინისტროს სსიპ ბავშვთა და ახალგაზრდობის განვითარების ფონდის ხელმძღვანელებმა.