სამართლის სამაგისტრო პროგრამა – 2500 ლარი (ერთი წელი)
აღმოსავლეთ ევროპის უნივერსიტეტში სამართლის მაგისტრის აკადემიური ხარისხის მიღება ხდება სისტემური ცოდნის საფუძველზე, რომელსაც რეალურად გამოიყენებთ.
სამაგისტრო პროგრამის ხელმძღვანელი: პროფესორი ზურაბ ძლიერიშვილი
პროგრამის ხანგრძლივობა: 2 წელი
თანამედროვე სტანდარტების გათვალისწინებით შედგენილი სტუდენტზე ორიენტირებული სასწავლო პროგრამა, იურიდიულ სფეროში აღიარებული კვალიფიციური აკადემიური პერსონალი, პროფესიონალებთან ნეთვორქინგი და დასაქმების რეალური პერსპექტივა (EEU-ს პარტნიორი ორგანიზაციები), მესამე სემესტრიდან (ერთი სემესტრი) რიგის უნივერსიტეტში სწავლისა და ორმაგი ხარისხის მიღების უნიკალური შესაძლებლობა (ევროპული აკრედიტაციის მქონე), სწავლის საფასურის გადახდის მოქნილი სისტემა და დასაქმებული სტუდენტების ხელშეწყობა – ეს მხოლოდ ნაწილია აღმოსავლეთ ევროპის უნივერსიტეტის სამართლის სამაგისტრო პროგრამის უპირატესობების.
პროგრამის მიზანია სტუდენტს შესძინოს ცოდნა: კერძო, საჯარო ან სისხლის სამართლისა და შედარებითი სამართალმცოდნეობის სფეროში, ასევე ეროვნული და უცხოური სამართლის სისტემების ძირითადი თავისებურებების, სამართლის თეორიების, ინსტიტუტების, მატერიალური და პროცესუალური სამართლის ნორმების, ზოგადსამართლებრივი პრინციპების, ფასეულობებისა და ღირებულებების შესახებ.
დამატებითი ინფორმაცია:
- მისაღები სტუდენტების რაოდენობა: 60;
- 120 ECTS კრედიტი;
- საერთო სამაგისტრო გამოცდის ტესტის ტიპი – C;
- საუნივერსიტეტო გამოცდები – ტესტირება ინგლისურ ენაში/გასაუბრება სპეციალობაში;
- მისანიჭებელი კვალიფიკაცია : სამართლის მაგისტრი/Master of Law.