აღმოსავლეთ ევროპის უნივერსიტეტში დღეს საქართველოს კორუფციის წინააღმდეგ ბრძოლის უწყებათაშორისი საკოორდინაციო საბჭოს (ანტიკორუფციული საბჭო) სამდივნო – იუსტიციის სამინისტროს ანალიტიკურმა დეპარტამენტმა და საქართველოს იუსტიციის სასწავლო ცენტრმა, საჯარო სამსახურის ბიუროსთან თანამშრომლობით სტუდენტებისთვის საჯარო ლექცია/დისკუსია გამართა თემაზე: „საქართველოს ეროვნული ანტიკორუფციული პოლიტიკა და საჯარო სამსახურის რეფორმა.“
სტუდენტებს საშუალება ქონდათ ანტიკორუფციული საბჭოს სამდივნოსა (საქართველოს იუსტიციის სამინისტროს) და საჯარო სამსახურის ბიუროს წარმომადგენლებს შეხვედროდნენ. კორუფციის წინააღმდეგ ბრძოლის პოლიტიკასა და სტრატეგიული დოკუმენტების ღია მმართველობის პარტნიორობის ინიციატივასა და საჯარო სამსახურის სფეროში მიმდინარე რეფორმების შესახებ დისკუსია გაიმართა. საჯარო ლექცია/დისკუსია 2 საათის განმავლობაში მიმდინარეობდა.