სტუდენტური პროექტი ,,იდეა დეველოპერი’’, რომლის ანალოგი ქართულ საუნივერსიტეტო სივრცეში არ არის, დეველოპერული კომპანია – idea city-ის, ბიზნეს საკონსულტაციო კომპანია – Start-Business Solutions-ისა და აღმოსავლეთ ევროპის უნივერსიტეტის ერთობლივი ძალისხმევით ხორციელდება.
აღმოსავლეთ ევროპის უნივერსიტეტის 850 სტუდენტიდან პროექტისთვის შეირჩა მონაწილე სტუდენტთა 5 ჯგუფი, რომელთა შექმნაც პროექტის დასაწყისში სპეციალურად გამოცხადებული კონკურსის საფუძველზე მოხდა.
პირველ ეტაპზე სტუდენტებმა ორი დავალება შეასრულეს, რომელიც შეეხებოდა არქიტექტურული მიმდინარეობების შესწავლას და პრეზენტაციის სახით წარმოადგინეს. გამოიკვეთა პროექტის წარმატებული გუნდები.