დღეს აღმოსავლეთ ევროპის უნივერსიტეტსა და ,,ქართულ-ევროპული პოლიტიკის ინსტიტუტს” შორის ურთიერთანამშრომლობის მემორანდუმი გაფორმდა, რომლის მიზანია უნივერსიტეტის სტუდენტების საერთაშორისო პროექტებში მონაწილეობას, მათ საგანმანათლებლო, კვლევითი და პრაქტიკული საქმიანობის განვითარებას შეუწყოს ხელი. მემორანდუმს ხელი უნივერსიტეტის რექტორმა, დავით ჩერქეზიშვილმა და ქართულ-ევროპული პოლიტიკის ინსტიტუტის დამფუძნებელთა საბჭოს თავმჯდომარემ ალუდა გოგლიჩიძემ მოაწერეს.
ურთიერთანამშრომლობის საფუძველზე მხარეები ერთობლივ, ადგილობრივ და საერთაშორისო პროექტებს განახორციელებენ. მემორანდუმზე ხელმოწერას აღმოსავლეთ ევროპის უნივერსიტეტის სტუდენტები და ,,ქართულ-ევროპული პოლიტიკის ინსტიტუტის” წარმომადგენლები ესწრებოდნენ.