რეგიონული საგამოფენო ტურნეს ფარგლებში აღმოსავლეთ ევროპის უნივერსიტეტი წყალტუბოს შემდეგ,ორი დღის განმავლობაში თელავის რაიონში არსებულ სკოლებს სტუმრობდა. EEU-მ კახეთში მცხოვრები სკოლის მოსწავლეებისათვის ორიგინალური და სახალისო პრეზენტაციები სკოლების სივრცეში გამართა. დაინტერესებულმა პირებმა უნივერსიტეტის, არსებული საბაკალავრო პროგრამებისა და სპეციალური შეთავაზებების შესახებ, დეტალური ინფორმაციაც მიიღეს და წამახალისებელ აქტივობებში მიიღეს მონაწილეობა.
თელავის რაიონში მცხოვრები, მომავალი სტუდენტები სამახსოვრო ფოტოებს ცნობილ “კინოგმირებთან” იღებდნენ. მოსწავლეებს სამახსოვრო საჩუქრის სახით საკუთარი კარიკატურები და უნივერსიტეტის ატრიბუტიკა გადაეცათ. მსურველებს სახისა და ხელების მოხატვის შესაძლებლობაც ჰქონდათ. აღმოსავლეთ ევროპის უნივერსიტეტის წარმომადგენლებმა თელავი ღია, სასეირნო სამარშუტო ტაქსით მოიარეს და მე-12 კლასელების დასკვნით, საზეიმო ღონისძიებებშიც ჩაერთნენ.
თელავის რაიონის სკოლებისთვის აღმოსავლეთ ევროპის უნივერსიტეტი მასშტაბურ, სოციალური შინაარსის აქციას გეგმავს, რომლის შესახებ ინფორმაცია EEU-ს FB გვერდზე, ხვალ, დღის განმავლობაში გავრცელდება.