აღმოსავლეთ ევროპის უნივერსიტეტმა მაგისტრების პირველი გამოშვება გააცილა. მანტიებში გამოწყობილი მაგისტრებისა და ბაკალავრების დამამთავრებელი კურსის სტუდენტების გამოსაშვები საღამო EEU-ს ეზოში, სპეციალურად მოწყობილ ტერიტორიაზე, საზეიმო ვითარებაში გაიმართა.
უკვე ყოფილ სტუდენტებს უნივერსიტეტის დამთავრება რექტორმა დავით ჩერქეზიშვილმა, პრორექტორმა რუსუდან ჩიქოვანმა და უნივერსიტეტის აკადემიურმა პერსონალმა მიულოცა. მაგისტრებს აღმოსავლეთ ევროპის უნივერსიტეტმა სასიამოვნო სიურპრიზი მოუმზადა და სპეციალური სამკერდე ნიშნები, წარწერით “EEU MAGISTER” საჩუქრად გადასცა. ღონისძიებაზე შეკრებილ სტუდენტებს ასევე სამახსოვრო და სახალისო სერტიფიკატები გადაეცათ.
სტუმრებს საშუალება ჰქონდათ სპეციალურად ამ დღისთვის დამზადებულ შთაბეჭდილებების წიგნში EEU-ში გატარებული პერიოდისა და სურვილების შესახებ თავიანთი მოსაზრებები ჩაეწერათ.