აღმოსავლეთ ევროპის უნივერსიტეტის, ბიზნეს საკონსულტაციო კომპანია – Start-Business Solutions-ის, დეველოპერული კომპანია – idea city-ის ერთობლივი სტუდენტური პროექტი “იდეა დეველოპერი”, რომლის ანალოგი ქართულ საუნივერსიტეტო სივრცეში არ არის დღეს, ტექნოპარკში საზეიმოდ დასრულდა.
აღმოსავლეთ ევროპის უნივერსიტეტის 850 სტუდენტიდან პროექტისთვის თავდაპირველად სტუდენტთა ხუთი გუნდი შეირჩა, საიდანაც საბოლოო ეტაპზე სამი გუნდი გადავიდა. პროექტის მიზანი სტუდენტებისგან შემდგარი იმ საუკეთესო გუნდის შერჩევა იყო, რომელიც კომპანია idea city-ისთან ერთად თბილისის მასშტაბით ერთ-ერთ რაიონში განსახორციელებელი ახალი პროექტის მართვაში მიიღებდა მონაწილეობას.
პროექტის გამარჯვებული გუნდი “Ideateam№1” გახდა, რომელსაც სიმბოლური პრიზი 1000 ლარის ოდენობით გადაეცა, მეორე ადგილზე გასული გუნდის წევრებს 700 ლარი გადაეცათ, მესამე ადგილზე გასულ გუნდს კი 500 ლარი. სამივე გუნდის წევრებმა სამახსოვრო სერტიფიკატები მიიღეს.