აღმოსავლეთ ევროპის უნივერსიტეტისა და საქართველოში შიდსის ჯანდაცვის ფონდის (AHF) ერთობლივი ინიციატივით 30 ნოემბერს, EEU-ს საკონფერენციო დარბაზში გაიმართა საჯარო ლექცია ,,შიდსი და მისი პრევენცია“.
საჯარო ლექცია მიეძღვნა შიდსთან ბრძოლის მსოფლიო დღეს (World AIDS Day), რომელიც ყოველწლიურად 1-ელ დეკემბერს აღინიშნება.
აღმოსავლეთ ევროპის უნივერსიტეტის სტუდენტებისა და თანამშრომლებისთვის საჯარო ლექცია წაიკითხა ედუარდ დემეტრაშვილმა, რომელიც წარმოადგენს საქართველოში შიდსის ჯანდაცვის ფონდს (AHF) – არასამთავრობო ორგანიზაცია. ის ხელს უწყობს აივ/შიდსის ჯანდაცვის მომსახურების გაფართოებას მეტი სიცოცხლის გადასარჩენად.
ღონისძიების მიზანი შიდსის მიმართ ცნობიერების ამაღლება იყო.
საჯარო ლექციის ფარგლებში სამიზნე ჯგუფის წევრები გაეცნენ შემდეგ საკითხებს:
- შიდსის ჯანდაცვის ფონდის (AHF) საქმიანობა;
- შიდსის გადაცემა;
- შიდსის მართვა და პრევენცია;
- შიდსის სიმპტომები;
- შიდსი და ორსულობა;
- შიდსის დიაგნოსტიკა და მკურნალობა საქართველოში.
ღონისძიება სტუდენტების აქტიური ჩართულობით ინტერაქტიულ რეჟიმში წარიმართა. მონაწილეებმა დასვეს კითხვები და მიიღეს პასუხები მათთვის საინტერესო საკითხებზე.
საჯარო ლექციის დასასრულს შეხვედრის სპიკერმა აუდიტორიას შიდსის შესახებ რამდენიმე კითხვა დაუსვა. სწორი პასუხის მქონე მონაწილეებს კი საქართველოში შიდსის ჯანდაცვის ფონდის სახელით სიმბოლური საჩუქრები გადასცა
