აღმოსავლეთ ევროპის უნივერსიტეტში (EEU), ღია კარის დღეების ფარგლებში და ბავშვთა დაცვის საერთაშორისო დღესთან დაკავშირებით გაიმართება სასერტიფიკატო კურსი თემაზე – „ხელოვნური ინტელექტი განათლებაში“.
კურსის მიზანია მოსწავლეებს მიეცეს შესაძლებლობა გაეცნონ ხელოვნური ინტელექტის როლს განათლებაში, განიხილონ თანამედროვე გამოწვევები და შესაძლებლობები, მიიღონ თეორიული ცოდნა და პრაქტიკული რჩევები.
სასერტიფიკატო კურსის თემატიკა:
- ხელოვნური ინტელექტის მნიშვნელობა და შესაძლებლობები განათლების სფეროში;
- ინოვაციური ტექნოლოგიების ინტეგრაცია სასწავლო პროცესში;
- ხელოვნური ინტელექტის გამოყენება სწავლებისა და შეფასების პროცესებში;
- ეთიკური და სამართლებრივი საკითხები ხელოვნური ინტელექტის გამოყენებისას;
- განათლების ციფრული ტრანსფორმაციის ტენდენციები.
კურსს გაუძღვება განათლების მეცნიერებების ფაკულტეტის დეკანი, ასოცირებული პროფესორი ქეთევან აფთარაშვილი.
სამიზნე აუდიტორია: მოსწავლეები, სტუდენტები
განხორციელების განრიგი: 01 ივნისი, 13:00 საათი
ფორმატი და ადგილი: პირისპირ, აღმოსავლეთ ევროპის უნივერსიტეტი (ი. ენუქიძის ქ.6)
კურსის დასრულების შემდეგ მონაწილეებს გადაეცემათ სერტიფიკატები.
არ გამოტოვოთ შესაძლებლობა მონაწილეობა მიიღოთ ღია კარის დღეებზე EEU-ში!