განათლების მეცნიერებების ფაკულტეტის საბჭოს წევრთა არჩევნები!

საბჭოს წევრი აკადემიური პერსონალი შეიძლება გახდეს განათლების მეცნიერებების  ფაკულტეტის ნებისმიერი პროფესორი, ასოცირებული პროფესორი, ასისტენტ-პროფესორი და ასისტენტი.

ფაკულტეტის საბჭოში აკადემიური პერსონალი წევრები აირჩევიან ფაკულტეტის აკადემიური პერსონალის  საერთო  კრებაზე  ღია კენჭისყრით კრებაზე დასახელებული კანდიდატებიდან.

კანდიდატების დასახელება ხდება აკადემიური პერსონალის საერთო კრებაზე, აკადემიური პერსონალის წარმომადგენლებს შეუძლიათ როგორც საკუთარი, ასევე სხვა კანდიდატურების დასახელება

საბჭოს წევრი სტუდენტი შეიძლება გახდეს აქტიური სტატუსის მქონე განათლების მეცნიერებების ფაკულტეტის ნებისმიერი სტუდენტი.

ფაკულტეტის საბჭოს წევრობის მსურველმა სტუდენტებმა დასაბუთებული განცხადებით (ფაკულტეტების მიხედვით განცხადების ფორმა იხ. ბმულზე: განათლების მეცნიერებების)  2024 წლის 23 სექტემბრიდან 2024 წლის 30 სექტემბრის ჩათვლით უნდა მიმართონ უნივერსიტეტის საქმისწარმოების დეპარტამენტს ან გამოგზავნონ განცხადება ელექტრონული ფოსტის მისამართზე: info@eeu.edu.ge.

დადგენილი წესების შესაბამისად წარმოდგენილი კანდიდატების განცხადებას ფაკულტეტის საარჩევნო კომისია გადასცემს სტუდენტურ თვითმმართველობას, რომელიც თავისუფალი და თანასწორი არჩევნების საფუძველზე, ფარული კენჭისყრით ირჩევს  ფაკულტეტის საბჭოში სტუდენტ წევრებს.