აღმოსავლეთ ევროპის უნივერსიტეტი (EEU) უერთდება არჩევნებში ელექტრონული ტექნოლოგიების დანერგვის შესახებ ფართომასშტაბიან საინფორმაციო კამპანიას. EEU-სა და საქართველოს ცენტრალური საარჩევნო კომისიის (CEC of Georgia) ერთობლივი ინიციატივით 18 ოქტომბერს, 17:00 საათზე, EEU საკონფერენციო დარბაზში (401) გაიმართება საინფორმაციო შეხვედრა: „საარჩევნო ელექტრონული ტექნოლოგიები და არჩევნების მოდერნიზება“.
ღონისძიების მიზანია სტუდენტებისა და პერსონალის ინფორმირება ახალ არჩევნებში ელექტრონული ტექნოლოგიებით ხმის მიცემის შესახებ.
მსმენელებს ტექნოლოგიებით ხმის მიცემის პროცედურებს გააცნობენ ცენტრალური საარჩევნო კომისიის წარმომადგენლები და აუდიტორიას საპილოტე რეჟიმში ჩატარებული არჩევნების შესახებ გამოცდილებას გაუზიარებენ.
შეხვედრის დასკვნითი ნაწილი დაეთმობა საარჩევნო ელექტრონული აპარატების დემონსტრირებასა და კენჭისყრის იმიტაციას.
შეხვედრის სამიზნე ჯგუფი: აღმოსავლეთ ევროპის უნივერსიტეტის სტუდენტები და თანამშრომლები
სამუშაო ენა: ქართული
შეხვედრის განხორციელების განრიგი: 18.10.2023, 17:00 საათი
წინასწარი რეგისტრაცია: შეხვედრაზე დასწრების მსურველებმა 15 ოქტომბრის ჩათვლით შეავსეთ სარეგისტრაციო ფორმა: https://forms.gle/WHzgYVJQ8epxnAyu7
ფორმატი და ადგილი: პირისპირ, აღმოსავლეთ ევროპის უნივერსიტეტი, საკონფერენციო დარბაზი – 401