იურიდიულ და სოციალურ მეცნიერებათა ფაკულტეტის სტუდენტთა საყურადღებოდ!
გსურთ, ჩაერთოთ თქვენი ფაკულტეტისა და უნივერსიტეტის მართვაში და წვლილი შეიტანოთ თქვენი ფაკულტეტის განვითარებაში?
მაშინ გამოიყენეთ შესაძლებლობა და გახდით თქვენი ფაკულტეტის საბჭოს წევრი!
გამოცხადდა ფაკულტეტის საბჭოს წევრთა არჩევნები იურიდიულ და სოციალურ მეცნიერებათა ფაკულტეტებზე.
საბჭოს წევრობის მსურველ სტუდენტთა განცხადებები მიიღება 2023 წლის 30 ოქტომბრიდან 2023 წლის 3 ნოემბრის ჩათვლით.
საბჭოს წევრების არჩევნების ორგანიზების მიზნით, რექტორის ბრძანებით შექმნილია საარჩევნო კომისია. არჩევნების შედეგები გამოქვეყნდება არაუგვიანეს 2023 წლის 10 ნოემბრისა.
ფაკულტეტის საბჭოს შემადგენლობაში შედის ფაკულტეტის 2 სტუდენტი.
სტუდენტი წევრის არჩევა:
საბჭოს წევრი სტუდენტი შეიძლება გახდეს აქტიური სტატუსის მქონე იურიდიულ და სოციალურ მეცნიერებათა ფაკულტეტის ნებისმიერი სტუდენტი.
ფაკულტეტის საბჭოს წევრობის მსურველმა სტუდენტებმა დასაბუთებული განცხადებით (ფაკულტეტების მიხედვით განცხადების ფორმა იხ. ბმულზე: https://eeu.edu.ge/wp-content/uploads/2023/10/gancxadeba.doc) 2023 წლის 30 ოქტომბრიდან 3 ნოემბრის ჩათვლით უნდა მიმართონ უნივერსიტეტის საქმისწარმოების დეპარტამენტს ან გამოგზავნონ განცხადება ელექტრონული ფოსტის მისამართზე: info@eeu.edu.ge
დადგენილი წესების შესაბამისად წარმოდგენილი კანდიდატების განცხადებას ფაკულტეტის საარჩევნო კომისია გადასცემს სტუდენტურ თვითმმართველობას, რომელიც თავისუფალი და თანასწორი არჩევნების საფუძველზე, ფარული კენჭისყრით ირჩევს ფაკულტეტის საბჭოში სტუდენტ წევრებს.