ფაკულტეტის საბჭოს წევრთა არჩევნები!

საბჭოს წევრი აკადემიური პერსონალი შეიძლება გახდეს ფაკულტეტის ნებისმიერი პროფესორი, ასოცირებული პროფესორი, ასისტენტ-პროფესორი და ასისტენტი.

ფაკულტეტის საბჭოში აკადემიური პერსონალი წევრები აირჩევიან ფაკულტეტის აკადემიური პერსონალის  საერთო  კრებაზე  ღია კენჭისყრით კრებაზე დასახელებული კანდიდატებიდან.

კანდიდატების დასახელება ხდება აკადემიური პერსონალის საერთო კრებაზე, აკადემიური პერსონალის წარმომადგენლებს შეუძლიათ როგორც საკუთარი, ასევე სხვა კანდიდატურების დასახელება

საბჭოს წევრი სტუდენტი შეიძლება გახდეს აქტიური სტატუსის მქონე ფაკულტეტის ნებისმიერი სტუდენტი.

ფაკულტეტის საბჭოს წევრობის მსურველმა სტუდენტებმა დასაბუთებული განცხადებით 2024 წლის 22 ივლისიდან 26 ივლისის ჩათვლით უნდა მიმართონ უნივერსიტეტის საქმისწარმოების დეპარტამენტს ან გამოგზავნონ განცხადება ელექტრონული ფოსტის მისამართზე: info@eeu.edu.ge

ფაკულტეტების მიხედვით განცხადების ფორმა:

• ბიზნესისა და ინჟინერიის ფაკულტეტი 
• ჯანდაცვის მეცნიერებათა ფაკულტეტი
• იურიდიულ და სოციალურ მეცნიერებათა ფაკულტეტი

დადგენილი წესების შესაბამისად წარმოდგენილი კანდიდატების განცხადებას ფაკულტეტის საარჩევნო კომისია გადასცემს სტუდენტურ თვითმმართველობას, რომელიც თავისუფალი და თანასწორი არჩევნების საფუძველზე, ფარული კენჭისყრით ირჩევს  ფაკულტეტის საბჭოში სტუდენტ წევრებს.