2025 წლის 9 აპრილს აღმოსავლეთ ევროპის უნივერსიტეტის (EEU) ბიზნესისა და ინჟინერიის ფაკულტეტის არქიტექტურის პროგრამის სტუდენტები სასწავლო კურსის ფარგლებში ,,ქართული ხუროთმოძღვრების ისტორია“ იმყოფებოდნენ გასვლით ლექციაზე. ლექციას უძღვებოდა მოწვეული პროფესორი ირინა წულაძე და არქიტექტურის პროგრამის ხელმძღვანელი ასოცირებული პროფესორი ბელა თინიკაშვილი.
ლექციის ფარგლებში სტუდენტებმა დაათვალიერეს სხვადასხვა ისტორიული ადგილი:
- ბაგინეთი;
- სამთავროს ველი;
- დედათა მონასტერი;
- სვეტიცხოველი;
- ჯვრის მონასტერი.
სტუდენტები ადგილზე გაეცნენ ქართული ხუროთმოძღვრების ძეგლების ჩამოყალიბებისა და განვითარების ისტორიულ ეტაპებს, ასევე ქართული ხუროთმოძღვრების, როგორც მსოფლიო კულტურული მემკვიდრეობის ნაწილის მნიშვნელობასა და თავისებურებებს.