15 თებერვალს აღმოსავლეთ ევროპის უნივერსიტეტის სტუდენტების მიერ ახლადშექმნილი ხელოვნების კლუბის პრეზენტაცია გაიმართა. ხელოვნების კლუბი ჩამოყალიბდა EEU-ს სტუდენტური კლუბების ფარგლებში.
კლუბის პრეზენტაციას სტუდენტებისა და ადმინისტრაციის წარმომადგენლებთან ერთად ესწრებოდა აღმოსავლეთ უნივერსიტეტის რექტორი, კახაბერ ლაზარაშვილი.
აუდიტორიას ხელოვნების კლუბის საქმიანობის ძირითადი პრინციპები და დაგეგმილი აქტივობები გააცნეს საერთაშორისო ურთიერთობების საბაკალავრო პროგრამის სტუდენტებმა: თინათინ გემაზაშვილმა, ლუკა საბანაძემ და ნინო ცხვედაძემ.
სტუდენტურ კლუბში გაწევრიანების მსურველმა პირმა უნდა შეავსოს სარეგისტრაციო ფორმა: https://www.surveymonkey.com/r/RWT3XTN.
შეგახსენებთ, რომ სტუდენტური კლუბის დაფუძნება აღმოსავლეთ ევროპის უნივერსიტეტის აქტიური სტატუსის მქონე ნებისმიერ სტუდენტს შეუძლია. კლუბის რეგისტრაცია ხორციელდება Https://stud.eeu-el.ge-დან ონლაინ-სარეგისტრაციო ფორმის შევსებით https://www.surveymonkey.com/r/R9SHYN6 .
EEU-ს სტუდენტური კლუბის შესახებ დეტალური ინფორმაცია იხილეთ ბმულზე: https://bit.ly/3HCUcbL