აღმოსავლეთ ევროპის უნივერსიტეტის პარტნიორი საჯარო აუდიტის ინსტიტუტი საერთაშორისო აუდიტორულ კომპანიებთან ერთად იწყებს საგანმანათლებლო პროექტს ,,გახდი აუდიტორი 2023’’
პროექტის ფარგლებში, სტუდენტები შეხვდებიან სახელმწიფო აუდიტის სამსახურის, საჯარო აუდიტის ინსტიტუტისა და საერთაშორისო აუდიტორული კომპანიების მენეჯერული რგოლის წარმომადგენლებს, რომლებიც საჯარო სექტორის სერტიფიცირებული აუდიტორები არიან.
2023 წლის 20-27 მარტს პროექტის ფარგლებში საჯარო აუდიტის ინსტიტუტის მიერ სტუდენტებისთვის განხორციელდება სასწავლო ღონისძიება, რომელიც სტუდენტებს ხელს შეუწყობს სტაჟირების პროგრამის ფარგლებში გამოცხადებული კონკურსების წარმატებით გავლაში.
პროექტში მონაწილეობის პირობები:
პროექტში მონაწილეობა შეუძლიათ III-IV კურსის სტუდენტებს და მაგისტრანტებს, რომლებსაც საშუალო შეწონილი ქულა (GPA) 3.5 ან მეტი აქვთ, ფლობენ ინგლისურ ენას B2 დონეზე და გავლილი აქვთ ფინანსური აღრიცხვის კურსი ან ACCA F3 დონე.
აღმოსავლეთ ევროპის უნივერსიტეტის სახელით პროექტში მონაწილეობისთვის კონკურსის საფუძველზე შეირჩევა საუკეთესო შედეგის მქონე ერთი სტუდენტი.
რეგისტრაციის გავლის ვადები:
პროექტში მონაწილეობის მსურველმა სტუდენტებმა 2023 წლის 15 მარტამდე, უნდა გაიარონ ელექტრონული რეგისტრაცია ბმულზე: https://forms.gle/YcoDucx8YqZxWWcb9