საუნივერსიტეტო საკალათბურთო “B ლიგა 2024” დასრულდა. ტურნირი საუნივერსიტეტო სპორტის ფედერაციის ორგანიზებით გაიმართა.
სტუდენტური ლიგა მიზნად ისახავს სტუდენტი კალათბურთელების პროფესიულ სპორტში ჩართვას, სტუდენტური გულშემატკივრობის გაძლიერებას, უმაღლეს სასწავლებლებსა და ქვეყანაში კალათბურთის განვითარებასა და ჯანსაღი ცხოვრების წესის პოპულარიზაციას.
2025 წლის 21 იანვარს გაიმართა საუნივერსიტეტო საკალათბურთო “B ლიგა 2024” – ფინალური ეტაპი, სადაც მე-3 ადგილისთვის ერთმანეთს დაუპირისპირდნენ აღმოსავლეთ ევროპის უნივერსიტეტი და სულხან-საბა ორბელიანის უნივერსიტეტი.
თამაში დასრულდა ანგარიშით: 87-78.
გამარჯვებული გახდა აღმოსავლეთ ევროპის უნივერსიტეტი.
ვულოცავთ აღმოსავლეთ ევროპის უნივერსიტეტის საკალათბურთო გუნდს გამარჯვებას!
