სამართლის სამაგისტრო პროგრამის სტუდენტების საყურადღებოდ!
გსურთ ისწავლოთ 10 თვე ტუშას უნივერსიტეტში Erasmus + სრული დაფინანსებით და მიიღოთ ორმაგი დიპლომი, ქართული და იტალიური!
ეს კონკურსი შენთვისაა! გახდი ერასმუსელი!
აღმოსავლეთ ევროპის უნივერსიტეტი სამართლის სამაგისტრო პროგრამის სტუდენტებისათვის აცხადებს Erasmus+ გაცვლით პროგრამას ტუშას უნივერსიტეტში.
გაცვლითი პროგრამა ცხადდება აღმოსავლეთ ევროპის უნივერსიტეტსა და ტუშას უნივერსიტეტებს შორის გაფორმებული აკადემიური თანამშრომლობის ხელშეკრულებისა და ევროკომისიის მიერ დაფინანსებული Erasmus+ პროგრამის საერთაშორისო კრედიტ მობილობის (International Credit Mobility –ICM) ფარგლებში.
აღმოსავლეთ ევროპის უნივერსიტეტის სამართლის სამაგისტრო პროგრამის სტუდენტებს ეძლევათ უნიკალური შესაძლებლობა იტალიაში, ქ. ვიტერბოში ისწავლონ 2023-2024 სასწავლო წელი (10 თვე) სრული დაფინანსებით და EEU – ს სამართლის მაგისტრის ხარისხთან ერთად მიიღონ მეორე, უსაფრთხოებისა და ადამიანის უფლებების მაგისტრის ხარისხი ტუშას უნივერსიტეტისგან.
ტუშას უნივერსიტეტი ერთ-ერთი საუკეთესო უნივერსიტეტია იტალიაში, რომელიც 1979 წელს დაარსდა და მდებარეობს ქალაქ ვიტერბოში, რომიდან 80 კმ-ში. უნივერსიტეტში ფუნქციონირებს 6 ფაკულტეტი, სტუდენტების რაოდენობა კი 10 000-ს აჭარბებს.
Erasmus+ სტიპენდია სრულად ფარავს როგორც სწავლის, ისე მგზავრობის ხარჯებს! პროგრამის ფარგლებში უზრუნველყოფილია სტიპენდიების მიღება! ყოველთვიური სტიპენდიის სახით სტუდენტებისთვის განსაზღვრულია 850 ევრო, მგზავრობის ხარჯი ანაზღაურდება 275 ევროს ოდენობით.
Erasmus + პროგრამის ფაგრლებში გამოცხადებულია 5 ვაკანტური ადგილი!
საინფორმაციო შეხვედრა შედგება 19 დეკემბერს, 18:00 საათზე!