სამართლის სამაგისტრო პროგრამის სტუდენტების საყურადღებოდ!
უნიკალური შესაძლებლობა მიიღოთ ორმაგი დიპლომი, ქართული და იტალიური და ისწავლოთ 10 თვე ტუშას უნივერსიტეტში Erasmus + სრული დაფინანსებით!
აღმოსავლეთ ევროპის უნივერსიტეტი აცხადებს 2025-2026 სასწავლო წლის შემოდგომის სემესტრში Erasmus + გაცვლით პროგრამას ტუშას უნივერსიტეტში სამართლის სამაგისტრო პროგრამის სტუდენტებისათვის.
გაცვლითი პროგრამა ცხადდება აღმოსავლეთ ევროპის უნივერსიტეტსა და ტუშას უნივერსიტეტებს შორის გაფორმებული აკადემიური თანამშრომლობის ხელშეკრულებისა და ევროკომისიის მიერ დაფინანსებული Erasmus+ პროგრამის საერთაშორისო კრედიტ მობილობის (International Credit Mobility –ICM) ფარგლებში.
აღმოსავლეთ ევროპის უნივერსიტეტის სამართლის სამაგისტრო პროგრამის სტუდენტებს ეძლევათ შესაძლებლობა იტალიაში, ქ. ვიტერბოში ისწავლონ მე-3 და მე-4 სემესტრი (10 თვე) სრული დაფინანსებით და EEU – ს სამართლის მაგისტრის ხარისხთან ერთად მიიღონ მეორე, უსაფრთხოებისა და ადამიანის უფლებების მაგისტრის ხარისხი ტუშას უნივერსიტეტისგან.
ტუშას უნივერსიტეტი ერთ-ერთი საუკეთესო უნივერსიტეტია იტალიაში, რომელიც 1979 წელს დაარსდა და მდებარეობს ქალაქ ვიტერბოში. უნივერსიტეტში ფუნქციონირებს 6 ფაკულტეტი, სტუდენტების რაოდენობა კი 10 000 აჭარბებს.
Erasmus+ სტიპენდია სრულად ფარავს როგორც სწავლის, ისე მგზავრობის ხარჯებს! პროგრამის ფარგლებში უზრუნველყოფილია სტიპენდიების მიღება! ყოველთვიური სტიპენდიის სახით სტუდენტებისთვის განსაზღვრულია 850 ევრო, მგზავრობის ხარჯი ანაზღაურდება 360 ევროს ოდენობით.
Erasmus + პროგრამის ფაგრლებში გამოცხადებულია 8 ვაკანტური ადგილი!