2022 წლის 21 მაისს აღმოსავლეთ ევროპის უნივერსიტეტში (EEU) სკოლის მოსწავლეებისთვის გაიმართა საინტერესო და ინტერაქციული აქტივობა თემაზე: ,,როგორ ვაქციოთ იდეა წარმატებულ ბიზნეს პროექტად’’
პროექტში მონაწილეობა ქ. თბილისის მასშტაბით სხვადასხვა კერძო და საჯარო სკოლების 200-მდე მე-10, მე-11 და მე-12 სკოლის მოსწავლემ მიიღო.
პროექტის პირველ ეტაპზე სკოლის მოსწავლეებს სიმულაციური ბიზნეს გეგმის შედგენის პრინციპები გააცნეს EEU-ს პროფესორებმა:
- ვასილ კიკუტაძე – ასოცირებული პროფესორი, ბიზნესისა და ინჟინერიის ფაკულტეტის დეკანი (EEU)
- დავით სიხარულიძე – ასოცირებული პროფესორი, განათლების კვლევებისა და განვითარების დეპარტამენტის ხელმძღვანელი (EEU)
- თამთა ლეკიშვილი – ასისტენტ-პროფესორი, ბიზნესისა და ინჟინერიის ფაკულტეტის დეკანის მოადგილე (EEU)
ღონისძიების მეორე ეტაპზე სკოლის მოსწავლეებმა ჯგუფურად შექმნეს სიმულაციური ბიზნეს გეგმები, რომლებიც განიხილა სპეციალურმა კომისიამ და გამოავლინა გამარჯვებული პროექტი: ,,Antique Time Travel (ATT) ”
EEU-ს რექტორმა, კახაბერ ლაზარაშვილმა და ბიზნესისა და ინჟინერიის ფაკულტეტის დეკანმა, ვასილ კიკუტაძემ გამარჯვებული პროექტის ჯგუფის თითოეულ წევრს აღმოსავლეთ ევროპის უნივერსიტეტისგან გადაეცა სემესტრული 1125-ლარიანი სასწავლო ვაუჩერი:
- ნუცა ნოდია – ქ. თბილისის 175-ე საჯარო სკოლა
- კატო გოგსაძე – ქ. თბილისის 175-ე საჯარო სკოლა
- გვანცა ვასაძე – ქ. თბილისის 105-ე საჯარო სკოლა
- ლიკა ქალებაშვილი – ქ. თბილისის 214-ე საჯარო სკოლა
- თინათინ გათენაშვილი – ქ. თბილისის 214-ე საჯარო სკოლა
- ქრისტინე კაკოჩაშვილი – ქ. თბილისის 89-ე საჯარო სკოლა
- მარიამ კაკოჩაშვილი – ქ. თბილისის 89-ე საჯარო სკოლა
ღონისძიების დასკვნით ეტაპზე სკოლის მოსწავლეებმა მიიღეს დეტალური ინფორმაცია აღმოსავლეთ ევროპის უნივერსიტეტის საერთაშორისო თანამშრომლობისა და გაცვლითი პროგრამების, საუნივერსიტეტო სტიპენდიებისა და სწავლის დაფინანსების მრავალფეროვანი პირობების, სტუდენტური მხარდამჭერი სერვისებისა და უპირატესობების თაობაზე. ასევე, დაათვალიერეს აღმოსავლეთ ევროპის უნივერსიტეტის თანამედროვე ინფრასტრუქტურით აღჭურვილი ახალი კამპუსი.
EEU-ში გრძელდება მე-10, მე-11 და მე-12 კლასების სკოლის მოსწავლეებისთვის საინტერესო, ინტელექტუალურ-შემეცნებითი და გასართობი აქტივობების ციკლი, რომელიც აღმოსავლეთ ევროპის უნივერსიტეტის მიერ KINGS-თან პარტნიორობით ხორციელდება.
ღია კარის დღეების განრიგი იხილეთ ბმულზე: https://forms.gle/2FqFQjusHunJpz7R9
