აღმოსავლეთ ევროპის უნივერსიტეტის საგრანტო პროექტი საქართველოში აშშ-ის საელჩოს მიერ გამოცხადებული ,,წიგნის თარგმნის პროგრამა 2021’’-ის გამარჯვებულია.
პროექტის ხელმძღვანელია აღმოსავლეთ ევროპის უნივერსიტეტის ვარლამ ჩერქეზიშვილის სახელობის ინტერდისციპლინური კვლევების ცენტრის ხელმძღვანელი, პროფესორი გიორგი თავაძე.
გამოცემის შესახებ:
ავტორი: Brian H. Bix
სათაური: Jurisprudence: Theory and Context, Eighth Edition
გამომცემლობა: Carolina Academic Press
გამოცემის წელი: 2019
სახელმძღვანელო „სამართალმცოდნეობა: თეორია და კონტექსტი“, უპირველეს ყოვლისა, განკუთვნილია იურიდიული და პოლიტიკის მეცნიერებების საბაკალავრო და სამაგისტრო პროგრამების სტუდენტებისთვის, ასევე, მოსამართლეებისთვის, ადვოკატებისთვის, პრაქტიკოსებისთვის და სამართალმცოდნეობით დაინტერესებული პირებისთვის.
სახელმძღვანელოში წარმოდგენილია სამართლის თეორიის ანგლო-ამერიკული პერსპექტივები, რომლებიც დღესდღეობით დომინანტურია სამართლის ფილოსოფიის ანალიზისას. წიგნში, ასევე, გაანალიზებულია ეკონომიკისა და სამართლის ურთიერთმიმართებისა და იურისპრუდენციის ფემინისტური თეორიის საკითხები.
სახელმძღვანელოს ქართულ ენაზე თარგმნა და გამოცემა განპირობებულია ხარისხიანი სახელმძღვანელოს საჭიროებით როგორც სტუდენტების ასევე ლექტორების მხრიდან და მეორე მხრივ დარგის სპეციალისტების მხრიდან.
პროექტის განხორციელების ვადები და მონაწილეები:
წიგნის თარგმანს განახორციელებს ლაშა ლურსმანაშვილი, აღმოსავლეთ ევროპის უნივერსიტეტის ვარლამ ჩერქეზიშვილის სახელობის ინტერდისციპლინური კვლევების ცენტრის მკვლევარი, ხოლო სამეცნიერო რედაქტორი იქნება აღმოსავლეთ ევროპის უნივერსიტეტის ვარლამ ჩერქეზიშვილის სახელობის ინტერდისციპლინური კვლევების ცენტრის ხელმძღვანელი, პროფესორი გიორგი თავაძე.
წიგნის გამოცემა იგეგმება 2023 წლის პირველ ნახევარში.