პირველ შეხვედრაზე, კვლევის მონაწილეებს მიესალმა EEU-ს განათლების მეცნიერებების ფაკულტეტის დეკანი, ასოცირებული პროფესორი ქეთევან აფთარაშვილი და აქტივობის მონაწილეებს წარუდგინა კურსის ხელმძღვანელი EEU-ს განათლების მეცნიერებების ინგლისურენოვანი პროგრამის დოქტორანტი, ტარიელ ელაშვილი. ტარიელ ელაშვილმა საორიენტაციო შეხვედრის ფარგლებში ისაუბრა კურსის შესახებ, მონაწილეებს გააცნო მისი სადისერტაციო კვლევა, რომელიც შეეხება Capstone 2.0 სიმულაციური თამაშის ეფექტიანობის შესწავლას ტრადიციულ სწავლებასთან შედარებით.
შეხვედრის ფარგლებში სტუდენტები ჯგუფებად გადანაწილდნენ, რათა ეფექტურად ჩაერთონ სიმულაციური სწავლების პროცესში. ასევე, ჩატარდა პრეტესტი, რომლის მიზანი მონაწილეების საწყისი ცოდნის შეფასება იყო და ასევე, გაეცნენ კვლევის ეთიკის დეტალებს.
აღნიშნული ინიციატივა ხორციელდება EEU-ს განათლების მეცნიერებების ფაკულტეტის ორგანიზებით და შიდა საუნივერსიტეტო კვლევითი გრანტის ფარგლებში. კურსი წარმოადგენს მნიშვნელოვან ნაბიჯს ინოვაციური და პრაქტიკული სწავლების მეთოდების დანერგვის კუთხით.
კურსის შესახებ დამატებითი ინფორმაციისთვის ეწვიეთ ბმულს