აღმოსავლეთ ევროპის უნივერსიტეტი (EEU) შეუერთდა არჩევნებში ელექტრონული ტექნოლოგიების დანერგვის შესახებ ფართომასშტაბიან საინფორმაციო კამპანიას.
EEU-სა და საქართველოს ცენტრალური საარჩევნო კომისიის (CEC of Georgia) ერთობლივი ინიციატივით, 2023 წლის 18 ოქტომბერს, სტუდენტებისა და თანამშრომლებისთვის გაიმართა საინფორმაციო შეხვედრა: „საარჩევნო ელექტრონული ტექნოლოგიები და არჩევნების მოდერნიზება“.
ღონისძიების მიზანი იყო აუდიტორიის ინფორმირება არჩევნებში ელექტრონული ტექნოლოგიებით ხმის მიცემის შესახებ.
შეხვედრა გახსნა აღმოსავლეთ ევროპის უნივერსიტეტის (EEU) რექტორმა, პროფესორმა კახაბერ ლაზარაშვილმა.
აქტივობის ფარგლებში, საქართველოს საარჩევნო ადმინისტრაციის წარმომადგენლებმა მსმენელებს გააცნეს ტექნოლოგიებით ხმის მიცემის პროცედურები. EEU-ს სტუდენტებმა და თანამშრომლებმა პრაქტიკაში გამოსცადეს ვერიფიკაციის, ხმის დათვლის აპარატების მუშაობა და მონაწილეობა მიიღეს იმიტირებულ კენჭისყრაში.
შეხვედრის ბოლოს, შემაჯამებელი დისკუსია გაიმართა. მსმენელებისთვის საინტერესო კითხვებს ადმინისტრაციის წარმომადგენლებმა დეტალურად უპასუხეს. საარჩევნო სიახლეების, პროცედურებისა და ტექნოლოგიების შესახებ სამიზნე ჯგუფის წევრებს საინფორმაციო ბროშურებიც გადაეცათ.