აღმოსავლეთ ევროპის უნივერსიტეტის (EEU) განათლების მეცნიერებების ფაკულტეტის ინიციატივითა და უწყვეტი განათლების ცენტრის (LLC) ორგანიზებით, 26 ივნისს გაიმართა EEU-ს პროფესორ დავით ჩერქეზიშვილის საჯარო ლექცია: „განათლება თუ გამართლება“.
დავით ჩერქეზიშვილი – აღმოსავლეთ ევროპის უნივერსიტეტის პროფესორი და დამფუძნებელი, EEU აკადემიური კოლეგიის თავმჯდომარე, ვარშავის ჰუმანიტარული უნივერსიტეტის საპატიო დოქტორი, ტყიბულის მუნიციპალიტეტის მერი, საქართველოს ბიბლიოთეკების ინტეგრირებული ქსელის კონსორციუმის სამეთვალყურეო საბჭოს თავმჯდომარე.
საჯარო ლექციის ფარგლებში სპიკერმა ისაუბრა განათლების მნიშვნელობასა და მის როლზე, გამართლების კლასიკურ გაგებასა და მის რეალურ აღქმებზე, კრიტიკულ აზროვნებასა და საკვანძო უნარების განვითარებაზე, იმაზე თუ ,,სად გვიშლის ხელს’’ გამართლება და განათლება;
საჯარო ლექციას ესწრებოდნენ აღმოსავლეთ ევროპის უნივერსიტეტის სტუდენტები, კურსდამთავრებულები, თანამშრომლები და სხვა დაინტერესებული პირები.
შეხვედრა მსმენელთა აქტიური ჩართულობით, ინტერაქტიულ რეჟიმში წარიმართა.
