დაიწყო განაცხადების მიღება 2022/2023 სასწავლო წლის Chevening-ის სასტიპენდიო პროგრამაზე. ჩივნინგი დიდი ბრიტანეთის მთავრობის გლობალური პროგრამაა, რომლის ფარგლებშიც გაიცემა სრული სტიპენდიები დიდ ბრიტანეთში ერთ წლიან სამაგისტრო პროგრამაზე. სტიპენდია სრულად ფარავს სწავლის, ცხოვრების, მგზავრობის და ვიზის ხარჯებს.
თუ ხართ ლიდერი, გაქვთ ამბიცია, ბევრ წარმატებას მიაღწიოთ და მოიტანოთ ცვლილებები უკეთესი მომავლისათვის, გაქვთ კარგი კომუნიკაციის უნარები და ძლიერი აკადემიური მოსწრება – ჩივნინგის სასტიპენდიო პროგრამა თქვენთვისაა.
საჭირო დოკუმენტაცია
Chevening–ის პროგრამაში მონაწილეობის მსურველებმა უნდა წარადგინონ შესაბამისი დოკუმენტაცია, ცნობა (სწავლის, შეფასებების, მუშაობის შესახებ და ა.შ.), ნიშნების ფურცელი, დიპლომი, დიპლომის დანართი და შეთავაზება გაერთიანებული სამეფოს უნივერსიტეტის მხრიდან სტუდენტად მიღების თაობაზე.
შერჩევის ვადები
განმცხადებელი იღებს ინფორმაციას სტატუსის განახლების შესახებ შერჩევის პროცესის თითოეულ საფეხურზე. სტატუსის შესახებ ინფორმაციის მიღება შესაძლებელია ონლაინ განაცხადის სისტემის მეშვეობით.
განაცხადების მიღების ბოლო 2021 წლის 2 ნოემბერი
დამატებითი ინფორმაციისთვის სტიპენდიის შესახებ ეწვიეთ ბმულს.