2024 წლის 23 აპრილს აღმოსავლეთ ევროპის უნივერსიტეტის (EEU) თვითმმართველობისა და ბიზნესისა და ინჟინერიის ფაკულტეტის ორგანიზებით ჩატარდა პირველი შიდა საუნივერსიტეტო კონკურსის ,,კლაუზურა“-ს ნამუშევრების გამოფენა.
გამოფენა აღმოსავლეთ ევროპის უნივერსიტეტის რექტორმა, პროფესორმა კახაბერ ლაზარაშვილმა და გენერალურმა დირექტორმა ივანე ჩერქეზიშვილმა გახსნეს, რომლებმაც დამსწრე საზოგადოებას მისესალმნენ და გამოფენის ავტორებს წარმატებები უსურვეს.
ღონისძიებას ესწრებოდნენ ბიზნესისა და ინჟინერიის ფაკულტეტის დეკანი, პროფესორი ვასილ კიკუტაძე, მისი მოადგილე, თამთა ლეკიშვილი, EEU-ს არქიტექტურის საბაკალავრო პროგრამის ხელმძღვანელი და ასოცირებული პროფესორი ბელა თინიკაშვილი და არქიტექტორი, არქიტექტურის საერთაშორისო აკადემიის პროფესორი-(IAA), EEU-ს მოწვეული პროფესორი, ბესარიონ ტატიშვილი, პროგრამის განმახორციელებელი სხვა პროფესორ-მასწავლებლები, ადმინისტრაციის წარმომადგენლები და სტუდენტები.
კონკურსში მონაწილეობდა აღმოსავლეთ ევროპის უნივერსიტეტის ბიზნესისა და ინჟინერიის ფაკულტეტის არქიტექტურის საბაკალავრო პროგრამის 30 სტუდენტი. გამოფენის ავტორებმა დამსწრე საზოგადოებას გააცნეს თავიანთი ნამუშევრები.
გამოფენაზე შეირჩა ექვსი საუკეთესო ნამუშევარი და გამარჯვებული სტუდენტები დაჯილდოვდნენ წამახალისებელი პრიზებით:
- გრამპი: ნინო ეგრისელაშვილი (თბილის მოლის 200 ლარიანი ვაუჩერი);
- პირველი ადგილი: ანი სირაძე (სითი მოლის 150 ლარიანი ვაუჩერი);
- მეორე ადგილი: მარიამ რეხვიაშვილი (ჯინოს 100 ლარიანი ვაუჩერი);
- მესამე ადგილი: ვიკა ჭუმბურიძე (ბიბლუსის 50 ლარიანი ვაუჩერი)
- წამახალისებელი სიგელებით დაჯილდოვდნენ მაგდალენა კირკიტაძე და მარიამ საგინაშვილი.
კონკურს ხელმძღვანელობდნენ ბელა თინიკაშვილი (EEU-ს არქიტექტურის საბაკალავრო პროგრამის ხელმძღვანელი) და ბესარიონ ტატიშვილი (EEU-ს მოწვეული პროფესორი).
გამოფენის ავტორებმა აღმოსავლეთ ევროპის უნივერსიტეტის გუნდს მადლობა გადაუხადეს გამოფენის ორგანიზებისა და მხარდაჭერისთვის და შემდგომი გამოფენებიც დაანონსეს.
