კვლევის ეთიკის კომიტეტი

კომიტეტი არის უნივერსიტეტის მუდმივმოქმედი კოლეგიური ორგანო და შედგება 5 (ხუთი) მუდმივმოქმედი წევრისაგან.  კომიტეტი საკუთარი საქმიანობისას ხელმძღვანელობს კანონიერების, კოლეგიალობის, თანასწორობის, კონფიდენციალობის, კეთილსინდისიერებისა და დამოუკიდებლობის პრინციპების საფუძველზე.

კომიტეტის მიზანია, ხელი შეუწყოს უნივერსიტეტში აკადემიური კეთილსინდისიერებისა და კვლევითი ეთიკის პრინციპების დაცვას და განვითარებას.

კომიტეტი უფლებამოსილებების ფარგლებში:

• უნივერსიტეტის პერსონალსა და დოქტორანტებს აძლევს რჩევებსა და მითითებებს აკადემიური კეთილსინდისიერებისა და კვლევის ეთიკასთან დაკავშირებულ საკითხებზე;
• შეიმუშავებს კვლევის ეთიკურ საკითხებთან დაკავშირებით სახელმძღვანელო პრინციპებს  და ხელს  უწყობს კვლევის  ეთიკის სტანდარტებისა და აკადემიური კეთილსინდისიერების შესახებ მკვლევართა ცნობიერების ამაღლებას;
• იძლევა დასკვნას უნივერსიტეტის სახელით განხორციელებული კვლევების ეთიკის არსებულ სტანდარტებთან შესაბამისობის შესახებ წინამდებარე კოდექსით გათვალისწინებულ შემთხვევებში;
• კვლევის ეთიკური პრინციპების დაცვის მიზნით განიხილავს კვლევით პროექტებთან დაკავშირებულ ეთიკურ საკითხებს;