აღმოსავლეთ ევროპის უნივერსიტეტის იურიდიულ და სოციალურ მეცნიერებათა ფაკულტეტი, ახალგაზრდა საჯარო მოხელეთა აუდიტორია ,,ასმა“ 2021 წლის 27-28 მარტს ატარებს სტუდენტურ სამეცნიერო კონფერენციას თემაზე: „საერთაშორისო უსაფრთხოება და დემოკრატია“.
კონფერენციის სამუშაო ენა: ქართული
პრეზენტაციის ხანგრძლივობა: 15 წუთი, კითხვა-პასუხი – 5 წთ.
კონფერენციაში მონაწილეობა შეუძლია, როგორც აღმოსავლეთ ევროპის უნივერისტეტის, ასევე სხვა უმაღლესი საგანმანათლებლო დაწესებულებების ყველა ფაკულტეტის სამივე საფეხურის (ბაკალავრიატი, მაგისტრატურა, დოქტორანტურა) სტუდენტს.
კონფერენციის მიზანია:
- თანამედროვე დემოკრატიის წინაშე არსებული დილემებისა და საფრთხეების განხილვა;
- დემოკრატიის ამჟამინდელი იდეოლოგიური ჰეგემონის კრიზისის განხილვა;
- საერთაშორისო უსაფრთხოების გამოწვევებზე დისკუსიების სტიმულირება;
- სამეცნიერო საქმიანობაში სტუდენტთა აქტიური ჩართვის სტიმულირება სამეცნიერო მუშაობის შემდგომი განვითარებისათვის.
კონფერენციაში მონაწილეობის მისაღებად აუცილებელია:
რეგისტრაციის გავლა შემდეგ ბმულზე და ქართულ ენაზე შესრულებული ანოტაციის წარმოდგენა არაუგვიანეს 2021 წლის 22 მარტისა, 18:00 საათი (თბილისის დროით);
ქართულ ენაზე შესრულებული ანოტაციის წარმოდგენა PPP პრეზენტაციასთან (მაქსიმუმ 8-10 სლაიდი) ერთად არაუგვიანეს 2021 წლის 25 მარტისა, 18:00 საათი (თბილისის დროით);
შესრულებული ანოტაცია და პრეზენტაცია გამოაგზავნეთ შემდეგ ელ. ფოსტაზე: asma@eeu.edu.ge
კონფერენციის მონაწილეებს გადაეცემათ სერტიფიკატები.
შენიშვნა: განსაზღვრული ვადის დაგვიანებით წარმოდგენილი ანოტაციები არ განიხილება!
გისურვებთ წარმატებას!
დამატებითი კითხვების არსებობის შემთხვევაში დაეკონტაქტეთ ახალგაზრდა საჯარო მოხელეთა აუდიტორია ,,ასმას“ პრეზიდენტს, გიორგი მინასიანს