დაიწყო განაცხადების მიღება საერთაშორისო სტუდენტურ სამეცნიერო კონფერენციაში მონაწილეობის მისაღებად!
აღმოსავლეთ ევროპის უნივერსიტეტი (EEU) აშაფენბურგის გამოყენებითი მეცნიერებების უნივერსიტეტთან (გერმანია) ერთად 2026 წლის 29 მაისს მართავს საერთაშორისო სტუდენტურ სამეცნიერო კონფერენციას.
საერთაშორისო სტუდენტური კონფერენციის მიზანი:
- სტუდენტთა ჩართულობის გაძლიერება საერთაშორისო სამეცნიერო სივრცეში და კვლევითი კულტურის განვითარება;
- ინოვაციური, ინტერდისციპლინური იდეების გენერირების და ცოდნის გაზიარების პლატფორმის შექმნა;
- კვლევითი, კრიტიკული აზროვნებისა და აკადემიური კომუნიკაციის უნარების განვითარება;
- საერთაშორისო აკადემიურ თანამშრომლობაზე დაფუძნებული გამოცდილების მიღება;
- სტუდენტთა პროფესიული და კარიერული განვითარების ხელშეწყობა გლობალური შრომის ბაზრის მოთხოვნების შესაბამისად;
- ახალგაზრდა მკვლევართა ქსელის ფორმირება და სამეცნიერო დისკუსიის წახალისება.
კონფერენცია ფარავს ყველა სფეროს.
კონფერენციის სამუშაო ენა: ინგლისური;
რეგლამენტი: მოხსენება – 15 წთ; კითხვა-პასუხი – 5 წთ.;
კონფერენციის ფორმატი: ჰიბრიდული (პირისპირ და დისტანციური)
კონფერენციის სამიზნე აუდიტორია: კონფერენციაში მონაწილეობა შეუძლია აღმოსავლეთ ევროპის უნივერსიტეტისა და აშაფენბურგის გამოყენებითი მეცნიერებების უნივერსიტეტის (გერმანია) ყველა ფაკულტეტის სამივე საფეხურის (ბაკალავრიატი, მაგისტრატურა, დოქტორანტურა) სტუდენტს.