ჯანდაცვის მეცნიერებათა ფაკულტეტის წარმომადგენელ სტუდენტ წევრთა არჩევნები უნივერსიტეტის წარმომადგენლობით საბჭოში!

აღმოსავლეთ ევროპის უნივერსტიტეტის წარმომადგენლობითი საბჭო არის  უნივერსიტეტის უმაღლესი წარმომადგენლობითი ორგანო, რომლის მიზანია ხელი შეუწყოს უნივერსიტეტის ეფექტურ მართვასა და განვითარებას, უნივერსიტეტის სტრატეგიული საკითხების კოლეგიური გადაწყვეტის გზით  უზრუნველყოს უნივერსიტეტის მართვისა და საქმიანობის ღიაობა, გამჭვირვალობა და მასში საუნივერსიტეტო საზოგადოების ჩართულობა.

წარმომადგენლობითი საბჭოს შემადგენლობაში არჩეული წევრების სტატუსით შედიან უნივერსიტეტის აფილირებული აკადემიური პერსონალი და სტუდენტები. საბჭოს არჩეული წევრი აკადემიური პერსონალისა და სტუდენტთა რაოდენობა განისაზღვრება 4-4 წევრით, უნივერსიტეტის თითოეული ფაკულტეტიდან თითო-თითო წევრი.

• წარმომადგენლობითი საბჭოს სტუდენტი წევრი შეიძლება გახდეს უნივერსიტეტის აქტიური სტატუსის მქონე სტუდენტი, რომელიც არ არის უნივერსიტეტის სხვა არჩევითი კოლეგიური ორგანოს ან/და თვითმმართველობის წევრი. სტუდენტი საბჭოს წევრი შეიძლება გახდეს სწავლების მეორე სემესტრიდან.

წარმომადგენლობითი საბჭოს სტუდენტი წევრები აირჩევიან შესაბამისი ფაკულტეტის საბჭოების მიერ, რომელიც განიხილავს წარმომადგენლობითი საბჭოს წევრობის მსურველთა წარმოდგენილ დასაბუთებულ განცხადებებს. აფასებს კანდიდატების მოტივაციას და საუნივერსიტეტო სტუდენტურ ცხოვრებაში ჩართულობას. ასევე, უფლებამოსილია სურვილის შეთხვევაში გაესაუბროს კანდიდატებს.

ფაკულტეტის საბჭო სხდომაზე კენჭისყრის გზით იღებს გადაწყვეტილებას იმ კანდიდატის სასარგებლოდ, რომლის მონაწილეობასაც წარმომადგენლობითი საბჭოს საქმიანობაში მიიჩნევს პროდუქტიულად.

ფაკულტეტის აფილირებულმა აკადემიურმა პერსონალმა და სტუდენტებმა 2023 წლის 16 მაისიდან 23 მაისის ჩათვლით დასაბუთებული განცხადება  უნდა გაგზავნონ ელექტრონული ფოსტის მისამართზე: healthcare@eeu.edu.ge.

• სტუდენტის განცხადების ფორმა