DAAD-ის ჰელმუტ შმიდტის სამაგისტრო სტიპენდიები საჯარო პოლიტიკისა და კარგი მმართველობის მიმართულებით

DAAD აცხადებს ჰელმუტ შმიდტის პროგრამის სამაგისტრო სტიპენდიებს საჯარო პოლიტიკისა და კარგი მმართველობის მიმართულებით. სტიპენდიის ფარგლებში, წარმატებული კურსდამთავრებულები განვითარებადი ქვეყნებიდან შეძლებენ მიიღონ მაგისტრის ხარისხი გერმანიის უმაღლეს სასწავლებლებში.

ჰელმუტ-შმიდტის პროგრამის ფარგლებში DAAD-ის სტიპენდიანტი თავისუფლდება სწავლის საფასურისგან. ამასთან, კანდიდატი DAAD-ისგან მიიღებს ყოველთვიურ სტიპენდიას, რომელიც შეადგენს 861 ევროს. სტიპენდია ასევე მოიცავს ჯანმრთელობის დაზღვევას, მგზავრობის ხარჯებს, სასწავლო და კვლევით დაფინანსებას, ასევე დახმარებას ქირის გადასახადში მეუღლეებისა და / ან ბავშვებისათვის, სადაც ეს შესაძლებელია.

სტიპენდიები გაიცემა შერჩეულ სამაგისტრო კურსებისთვის გერმანიის უმაღლეს სასწავლებლებში. სწავლება მიმდინარეობს გერმანულ და/ან ინგლისურ ენაზე.

შემოთავაზებულ უნივერსიტეტებში განაცხადის მიღების ვადა გრძელდება 2021 წლის 1 ივნისიდან 31 ივლისამდე.

სტიპენდიის, სააპლიკაციო პროცედურების, მოთხოვნილი კრიტერიუმების, შემოთავაზებული უნივერსიტეტებისა და პროგრამების შესახებ დამატებითი ინფორმაციისთვის ეწვიეთ პროგრამის ვებ-გვერდს:

https://www2.daad.de/deutschland/stipendium/datenbank/en/21148-scholarship-database/?status=&origin=&subjectGrps=&daad=&q=public%20policy&page=1&detail=50026397