2024 წლის 15 იანვარს აღმოსავლეთ ევროპის უნივერსიტეტში გაიმართა საინფორმაციო შეხვედრა ორგანიზაციის ,,აისი საქართველოდან / Aisi aus Georgien” წარმომადგენლებთან გერმანიაში საზაფხულო დასაქმების პროგრამის შესახებ. ორგანიზაცია „აისი საქართველოდან – Aisi Aus Georgien“ ( https://www.facebook.com/profile.php?id=61554382226282 ) წარმოადგენს კომპანიას, რომელიც ხელს უწყობს ქართველ სტუდენტებს საზაფხულო სტუდენტური დასაქმების ფარგლებში გერმანიაში გამგზავრებასა და დასაქმებას.
,,აისი საქართველოდან / Aisi aus Georgien” წარმოდგენილია როგორც საქართველოში, ასევე, გერმანიაში.
ღონისძიების მიზანი იყო სტუდენტთა ინფორმირება გერმანიაში საზაფხულო სტუდენტური დასაქმების პროგრამის შესახებ.
შეხვედრას უძღვებოდნენ საქართველოში კომპანიის დირექტორი ქალბატონი ხათუნა ბაქრაძე და გერმანიაში კომპანიის წარმომადგენელი ქალბატონი ფიქრია ბაქრაძე.
აღმოსავლეთ ევროპის უნივერსიტეტის სტუდენტები გაეცნენ:
- ორგანიზაციის დანიშნულებას;
- პროგრამაში მონაწილეობის წინაპირობებს;
- დასაქმების სფეროებს;
- სამუშაო პირობებს;
- ანაზღაურების და საცხოვრებლით უზრუნველყოფის საკითხებს.
შეხვედრის ფარგლებში აღინიშნა, რომ ორგანიზაცია ყველა სტუდენტს თანაბარ შესაძლებლობას ანიჭებს, მიიღოს მონაწილეობა სტუდენტური დასაქმების პროგრამაში. სტუდენტებს აღნიშნულ პროგრამაში მონაწილეობის პერიოდში ჩაუტარდებათ ქართულ/გერმანულენოვანი ტრენინგები, რომლებიც მოიცავს პროგრამასთან დაკავშირებულ სხვადასხვა მნიშვნელოვან საკითხს. აღნიშნულ ტრენინგებს ჩაატარებენ ორგანიზაციის ქართველი და გერმანელი წარმომადგენლები. ტრენინგების მიზანია სტუდენტთათვის სამუშაო სპეციფიკასთან დაკავშირებით მაქსიმალური ინფორმაციის მიწოდება, რაც მათ გაუმარტივებთ ახალ გარემოში ადაპტაციას.
შეხვედრის ბოლოს გაიმართა შემაჯამებელი დისკუსია და მსმენელთათვის საინტერესო შეკითხვებს სპიკერებმა დეტალურად უპასუხეს.