2022 წლის 21 მაისს აღმოსავლეთ ევროპის უნივერსიტეტში (EEU) სკოლის მოსწავლეებისთვის გაიმართა დისკუსია თემაზე: ,,შენი მომავლის უნივერსიტეტი’’
პროექტში მონაწილეობა ქ. თბილისის მასშტაბით სხვადასხვა კერძო და საჯარო სკოლების 100-ზე მეტმა მე-10, მე-11 და მე-12 სკოლის მოსწავლემ მიიღო.
დისკუსიის პირველ ეტაპზე სკოლის მოსწავლეებს უნივერსიტეტების წარმოშობის, მსოფლიოს უძველესი უნივერსიტეტებისა და მისი დანიშნულების შესახებ ესაუბრა აღმოსავლეთ ევროპის უნივერსიტეტის პროფესორი, ფილოსოფიის დოქტორი და ინტერდისციპლინური კვლევების ცენტრის ხელმძღვანელი – გიორგი თავაძე.
დისკუსიის მეორე ეტაპი დისკუსიის რეჟიმში გაგრძელდა, სკოლის მოსწავლეებმა წარმოადგინეს საკუთარი კონცეფცია და ხედვები უნივერსიტეტის შესახებ. დისკუსიაში მონაწილეობდნენ და მოდერაციას უწევდნენ:
- კახაბერ ლაზარაშვილი – განათლების მეცნიერებების დოქტორი, EEU-ს რექტორი, დიდი ბრიტანეთის უმაღლესი განათლების აკადემიის საპატიო წევრი;
- ვასილ კიკუტაძე – ეკონომიკის დოქტორი, EEU-ს ბიზნესისა და ინჟინერიის ფაკულტეტის დეკანი;
ღონისძიების დასკვნით ეტაპზე სკოლის მოსწავლეებმა მიიღეს დეტალური ინფორმაცია აღმოსავლეთ ევროპის უნივერსიტეტის საერთაშორისო თანამშრომლობისა და გაცვლითი პროგრამების, საუნივერსიტეტო სტიპენდიებისა და სწავლის დაფინანსების მრავალფეროვანი პირობების, სტუდენტური მხარდამჭერი სერვისებისა და უპირატესობების თაობაზე. ასევე, დაათვალიერეს აღმოსავლეთ ევროპის უნივერსიტეტის თანამედროვე ინფრასტრუქტურით აღჭურვილი ახალი კამპუსი.
EEU-ში გრძელდება მე-10, მე-11 და მე-12 კლასების სკოლის მოსწავლეებისთვის საინტერესო, ინტელექტუალურ-შემეცნებითი და გასართობი აქტივობების ციკლი, რომელიც აღმოსავლეთ ევროპის უნივერსიტეტის მიერ KINGS-თან პარტნიორობით ხორციელდება.
ღია კარის დღეების განრიგი იხილეთ ბმულზე: https://forms.gle/2FqFQjusHunJpz7R9
