აღმოსავლეთ ევროპის უნივერსიტეტი აშშ–ს მსოფლიო განათლების მომსახურების (WES –World education services) ორგანიზაციაში გაწევრიანდა!
აშშ–ს მსოფლიო განათლების მომსახურების (WES –World education services) ორგანიზაცია დაარსდა 1974 წელს და მისი საქმიანობის ერთ–ერთ მნიშვნელოვან მიმართულებას წარმოადგენს საერთაშორისო განათლების კვალიფიკაციის აღიარება, მობილობის ხელშეწყობა და შესაბამისი შეფასება-რეკომენდაციების გაცემა, რომლის გარეშე შეუძლებელია აშშ-სა და კანადის ქვეყნებში დასაქმება შესაბამისი კვალიფიკაციების მიხედვით. WES ხელს უწყობს საერთაშორისო სტუდენტებსა და კურსდამთავრებულებს მიაღწიონ თავიან საგანმანთლებლო, პროფესიული განვითარების მიზნებს ამერიკის შეერთებულ შტატებსა და კანადაში, სადაც WES–ის შეფასებები აღიარებულია და ხდება დასაქმება 2500–ზე მეტ საგანმანათლებლო, ბიზნეს და სამთავრობო დაწესებულებებში.
WES ორგანიზაციაში გაწევრიანებით აღმოსავლეთ ევროპის უნივერსიტეტის ნებისმიერი საბაკალავრო და სამაგისტრო პროგრამის სტუდენტსა თუ კურსდამთავრებულს საშუალება ეძლევა მოიპოვოს განათლების კვალიფიკაციის აღიარება, მობილობის უფლება და მიიღოს შეფასება/რეკომენდაცია, რათა პროფესიულად განვითარდეს, საკუთარი მიმართულებით მარტივად დასაქმდეს აშშ–სა და კანადის ქვეყნების უამრავ დაწესებულებაში.