აღმოსავლეთ ევროპის უნივერსიტეტსა და ამერიკის ვიდენერის უნივერსიტეტის, დელავერის სამართლის სკოლას შორის ურთიერთთანამშრომლობის მემორანდუმი გაფორმდა. მემორანდუმის ითვალისწინებს აღმოსავლეთ ევროპის უნივერსიტეტის იურიდიული ფაკულტეტის სტუდენტებისა და აკადემიური პერსონალის გაცვლით პროგრამებში, პროექტებში მონაწილეობას. მათ ასევე შესაძლებლობა ექნებათ ჩაერთონ აშშ-ში კვლევით საქმიანობაში, აიმაღლონ კვალიფიკაცია. მემორანდუმის ფარგლებში დაიგეგმა სამეცნიერო და სასწავლო ლიტერატურის გაცვლა და მხარეებმა უკვე დაიწყეს მუშაობა ერთობლივი სამაგისტრო პროგრამის შემუშავებაზე სამართლის მიმართულებით, რომლის კურსდამთავრებულები ორმაგ დიპლომს მიიღებენ.
ხელშეკრულებას ხელი მოაწერეს აღმოსავლეთ ევროპის უნივერსიტეტის რექტორმა, დავით ჩერქეზიშვილმა და ამერიკის ვიდენერის უნივერსიტეტის, დელავერის სამართლის სკოლის დეკანმა, პროფესორმა როდნი სმოლამ.
მემორანდუმზე ხელმოწერის შემდეგ, როდნი სმოლამ საჯარო ლექცია ჩაატარა თემაზე: „კონსტიტუციური დაძაბულობა შექმნილი პრეზიდენტ ტრამპის მმართველობის დროს“. პროფესორმა სმოლამ სტუდენტებთან ერთად განიხილა ამერიკის ყველა შტატის სამართლებრივი სისტემა ტრამპის მმართველობის დროს და ამერიკის საგარეო პოლიტიკა, კერძოდ მექსიკასთან მიმართებით.
როდნი სმოლა ამერიკაში ცნობილი მეცნიერია კონსტიტუციური სამართლის, სამოქალაქო უფლებების, სიტყვის თავისუფლებისა და მასმედიის საკითხებში. ის არის ექსპერიმენტული სწავლების, პროფესიული უნარების განვითარებისა და სამოქალაქო ჩართულობის აქტიური მხარდამჭერი. იყო ფურმანის უნივერსიტეტის მე-11 პრეზიდენტი (გრინვილი, სამხრეთ კაროლინა). სხვადასხვა წლებში როდნი სმოლა იყო სამართლის სკოლის დეკანი ვაშინგტონში, ლიის უნივერსიტეტსა და რიჩმონდის სამართლის სკოლებში; ადამიანის უფლებათა დეკლარაციის ინსტიტუტის დირექტორი ვილიამ და მერის კოლეჯში. პროფესორი სმოლა, ასევე იყო DePaul-ის, ილინოისისა და არკანზასის უნივერსიტეტების სამართლის სკოლების წევრი, ლექტორი; მოწვეული პროფესორი ჯორჯიის, ინდიანას, დენვერისა და მელბორნის უნივერსიტეტების სამართლის სკოლებში. პროფესორი სმოლა არის ამერიკაში ცნობილი მეცნიერი კონსტიტუციური სამართლის, სამოქალაქო უფლებების, სიტყვის თავისუფლებისა და მასმედიის საკითხებში. ის არის ხუთი მრავალტომეული სამართლებრივი ნაშრომის ავტორი, რომელიც გამოქვეყნებულია ტომსონ როიტერში.
