აღმოსავლეთ ევროპის უნივერსიტეტისა და ა(ა)იპ „ასოციაცია პირველი თანასწორთა შორის“ ორგანიზებoთ განხორციელდა პროექტი „სკოლების შეჯიბრი იმიტირებული სასამართლო პროცესი“
პროექტის მიზანი იყო სკოლის მოსწავლეებისა და სტუდენტების დაინტერესება სამართლის სფეროთი, ახალგაზრდებისათვის თეორიული ცოდნის გაღრმავება და პრაქტიკული უნარ-ჩვევების გამომუშავება. ასევე, მათი ცნობიერების ამაღლება სასამართლო პროცესის მიმდინარეობასა და მის ძირითად არსზე.
პროექტი შედგებოდა 2 ეტაპისგან:
I ეტაპი – ტრენინგები;
II ეტაპი – იმიტირებული სასამართლო პროცესი;
პროექტში „სკოლების შეჯიბრი იმიტირებული სასამართლო პროცესი’’ მონაწილეობა მიიღო 12-მა სკოლამ.
ფინალურ ეტაპზე ერთმანეთს დაუპირისპირდნენ №156, №122, №161, №115 საჯარო სკოლები. სააპელაციო სასამართლოში 10-საათიანი სასამართლო პროცესის შედეგად გაიმარჯვეს ქ. თბილისის №161-ე და №156-ე საჯარო სკოლის გუნდებმა.
პროექტის მონაწილეებს გადაეცათ პრიზები და სერტიფიკატები.
აღმოსავლეთ ევროპის უნივერსიტეტი ულოცავს გამარჯვებულ გუნდებს და უსურვებს წარმატებას!
მსგავსი პროექტები მომავალშიც გაგრძელდება, ვინაიდან პროექტები იძენს სოციალურ ხასიათს და ხელს უწყობს არა მხოლოდ ახალგაზრდების ცნობიერების ამღლებას სამართლის სფეროში, არამედ არასრულწლოვნებში დანაშაულის პრევენციასაც.
